關於較早前有著名青年電台節目主持以遊戲心態開了一個”我最想非禮既女藝人”投票，得到外間的強烈指責，有違道德及教壞下一代等之指控。
而我在網上討論區的一些觀點引發了一場舌戰，可以讓大家一起反思：
P=我
F=網友
P:社會不應該只是單向模式,有正亦有負,這是所謂的二元法.社會應該去包容所謂負的思想,及對其大眾去教肓及了解.人類不是機械人,偶爾有越軌的行為亦無可厚非,只要在放縱過後懂得分辨是非黑白就是了.
F:你有無諗過路人甲既行為，會對受害人帶來幾大既傷害呢？如果非禮唔係一種犯罪，會有幾多婦嬬受到性侵犯呢？如果“我最想非禮既女藝人“無問題，咁“我最想綁架既富豪“，“我最想謀殺既高官“，或者“我最想雞姦既男藝人“又得唔得呢？
言論自由並非無止境，創作自由亦不是傳媒萬試萬靈既免死金牌。凡事都有一條無形的“界“，只要過左“界“，就會受到大眾既譴責，就算係傳媒都唔例外。好明顯，今次拒地將一種犯罪拿來開玩笑，面對係一Ｄ十零廿零，連是非黑白都分唔清既年青人，果種壞影響有幾大，你又知唔知呢？
你所謂既“二元法“，小弟亦不敢完全苛同。世界豈有完全的美好，也豈有完全的墮落。但係人類生存係世上，應該具有一Ｄ正面既“普世價值“（善），例如和平，仁愛，誠實...... 等等，此等正面價值，成為人類主流思想，有助人類係群體既社區生活中和諧共處，繁衍後代。但如果我地捨本逐未地去追求“有正有負“，片面地歌頌戰爭，仇恨，狡猾.......等“惡“的東西，我們的世界，又會變成怎樣的世界呢！？
P:100年前為甚麼會有打倒孔家店這個口號? 就是因為我們偉大的祖國封閉了五千年,當代知識份子如陳獨秀,胡適,蔡元培等人所反對傳統的思想,提倡民主和科學,他們認為儒學的重德精神有嚴重輕視知識的傾向,儒家似乎認為人生唯一有價值的事就是成就道德。未能肯定認知活動的獨立價值,自然不能開出西方求真的科學精神。這就是為甚麼中國雖然在十八世紀前擁有全球最先進的科技,卻始終沒有科學的原因。重德精神的文化局限由此可見。
在這裡我只是借助儒學去討論現今的道得觀念,我當然不鼓勵犯罪,亦不鼓勵非禮,我所說的放縱亦只說是思想上的,並不是行動上的.佛諾依德說這樣心理才會得到平衡。 我所討論的其實是社會應該去正面地透過教肓及批判去做思想學習,而不是一刀切的去懲罰.
F:站係學術角度黎睇, 哩個題目唔亦具有相當意義, 至少, 對心理學及探討社會風氣層面上:
1) 可以知道究竟幾多人心目中有”非禮”哩個念頭, 而且開放到公然參與投票;
2) 有邊D女藝人會令到有人萌生”非禮”佢既念頭 (係同當事人形象、平日言談舉止有關?);
3) ...................
但問題係, 該類咁學術性既問題唔應該會係哩類電台節目上發表, 而且以一種”開玩笑”既心態去對待”非禮”的確有問題。但究竟哩個係一個玩笑, 定係一個過失? 我絕對唔相信主持人同唔明白”非禮”係乜野意思, 所以我認為係一個過失, 而非誤會。
事情係一個咁公開而”不適當”既情況同節目下發表, 同時又超越左”某些人/事”既底線至搞成咁; 又舉個例: 如果巴士阿叔當時唔係對住四眼仔講, 而係落車後同朋友講: 「四眼仔咁X煩, 我見到就想DUP佢!」朋友聽到, 照計只會覺得佢只係討厭四眼仔, 在當事人不在場時宣洩一下怨氣, 而唔係真係想侵犯佢, 亦不會影響到四眼仔既感受; 但當阿叔當面對面同四眼仔講要問候佢娘親時, 母親名節受損, 四眼仔當然彿都有火啦!
我自己就認為, 有關個 人名節、貞節上既損失(尤其係女性), 相比起其他事情, 例如健康、利益等都黎得更大、更傷; 而無視別人感受去做出傷害行為, 亦係缺德既表現。
P:很多關於哲學,社會學,宗教學,歷史,城市文化等之書籍,使我認識到真正的社會是甚麼一回事,原來現實所聽所看的未必是我們習以為常的事;記得有個學者曾說過:[由理論去成就事實;又事實去總結理論.],這視乎你怎樣去選擇,但效果可能會大相競廷.
文章定位：
