經過過7.1遊行之後，我都好耐冇寫日記了！不過見到自己多左好多鼓勵，真係好開心！我做咩都要努力了！
真到尋日，仲有兩個大型的集會，所有既香港人都係理性的，我真係好開心！我覺得咁樣係代表香港人已經透過遊行慢慢提高了民主的意識了！香港民主的心已經成熟了！絕對有能力去管治好屬於香港人既香港了！唔再需要一個偏信偏聽，假聽民意既政府了！因為依家個政府真係好失敗，完全沒有可取的地方！我係一個民族性好低既人，我唔當自己係一個中國人，我淨係當自己係香港人！不過如果大陸支持香港普選特首，我都會欣賞的！雖然我支持民主，但不代表支持民主黨，因為香港人就係民主！大家既民主意識帶領大家，唔係民主黨帶領！
都係講返近況啦！剛剛個星期六（１２號）係仁X堂義工嘉許日及翰林畢業典禮，不過今個活動係由正院負責晒了！今次攪到可以一個字形容：（屎）呀！亂到訓o係度呀！不過我淨係負責帶隊，唔洗去後台做野，真係開心呀！不過自己都衰左，因為阿彭（中心一個義工）唔記得上台“ling”義工獎呀！另外一個義務導師都冇上台呀！不過都冇咩事，都可以解決到，所以都可以叫做順利完成了！又一次知道Shirley一樣賤野，就係叫自己中心既職員去幫手做義工，唔計OT呀！佢地又係既，俾佢蝦到上心口呀！真係唔可以咁架嘛！不過人人都有難做既地方，不過真係覺得佢地好唔抵呀！
當晚同左班中學同學去打冷，聽到一個好．．．消息呀！就係我地估其中一個Friend去叫雞，佢今日話佢真係有了！仲講得好開心呢！不過佢依家算係高級人士，佢依家班同事真係極級賤人啦！所以同化左都好正常，不過佢講出o黎好似好威咁呢？難道錢既威力真係咁大？不過大家依家都好鼓勵佢咁做，因為我地仲賤，哈哈～～～～！！
講返今日啦，今日冇咩特別啦！都係做英文班，不過因為之前有個電腦義工訓練班，依家要安排一個實習機會俾佢地呀！我安排左聽日既電腦班，叫佢地幫手呀！佢地都應承呢！咁就真係好啦！另外Kandy打電話返中心搵我，話我有Program遲埋數wor！佢都真係有問題呀！所有Program都係遲左開始啦！點會有遲呀！真係要話佢一聲“低能”呀！跟住唔理啦！我都收工返學了！今日返普通話，原來今日要做一個朗讀既測驗，要準備一百字左右既文章朗讀呀！不過我即時搵一段o黎讀，都冇問題，應該會幾高分呢！我真係希望自己可以有一科係A+呀！我覺得今次普通話真係有機會呀！要努力啦！如果最後一個考試掂埋就得架啦！跟住放學就去左整搵工既信啦！準備左兩份，希望有得Interview啦！依家都要慢慢搵了！因為市道真係差得利害呀！不過都要慢慢搵呀！
本來打算租蛇仔新屋住架！不過依家取消了呢個決定了！因為有兩個好大既原因，一個係我家姐已經決定買YOHO Town了！另外就係我阿妹剛剛俾人炒了！我都係留返o係屋企幫手啦！希望遲ｄ再有機會啦！
夜了！我今次o係呢篇日記加個＊號，代表呢一篇日記既內容特別！提下自己！
我要努力工作，搵工，同埋讀書呀！當然仲有Sylvia啦！雖然依家好少o係日記提起佢，但係佢既重要性依然係好高架！
文章定位：
