24h購物| | PChome| 登入
2004-09-17 18:29:01| 人氣51| 回應0 | 上一篇 | 下一篇

16-9-2004 選舉完了！又要四年了！

推薦 0 收藏 0 轉貼0 訂閱站台

呢個星期真係忙到噁呀！依家又要實習啦！工作上又多野做呢！依家得一個人又要跟好多野wor！究竟可以支持得到幾耐呢？又要制度化，又要專業化！不過個個都唔化！
老有所為活動計劃依家都好似冇時間去理佢咁呀！其實真係唔多長者參加，攪到都好多野做唔到，而我都將ｄ工作一拖再拖，唔去做野唔係因為懶，而係總覺得有野解決唔到，咁呢個時候我就會唔去面對，不過最後都要面對既，等多一陣先啦！不過探訪長者方面就沒有太大問題，因為有信義會全力協助，依家都開始第二次探訪了！
另外性傾向平等計劃就好趕了！因為要即刻開始了！乜野宣傳準備都冇做，咁呢個星期就要盡快攪掂佢了！海報已經完成，而且單張都印晒，咁不停咁Contact學校，大部分都已經有晒答覆，我地都已經將好多既宣傳物品寄晒俾佢地了！咁宣傳既工作已經差不多完成晒了，跟住就係睇下有冇人會報名！其實都唔係要好多，如果每一間學校都可以有一兩個人報名就得了！
立法會選舉已經完了，好多野都已經定了！呢個社會會話俾我地知道個大方法應該會向那裡走，四年時間，其實四年已經可以見到好多野！唔關是否盲目的問題，不過呢一個都係有好多野值得去諗一諗！香港是一個欠缺大團體精神的地方，經濟主導，個人主義。社會的方向沒有人可以將他改變，不過人是有能力令到他走得快一點或慢一點！
實習方面，同Supervisor傾完，佢都明白到我地幾個實習學生現在的情況，跟本同一隻開荒牛冇乜分別，樣樣都係剛剛開始計劃做既野，依家好似多左幾個義工幫手咁，不過我都唔理咁多了，因為Supervisor話可以唔開小組，不過要睇下你做工作個Workload有幾多先知道，我就打算做一個建立地區網絡的工作，透過我地中心既二手寄賣服務，讓區內人士知道有我地機構既服務存在。我相信都應該幾有意義同埋挑戰性架！依家我連實習既Daily Log都冇時間寫了，我真係唔知道仲有冇時間俾我去寫日記了！

我要檢舉
台長： 崑崙
人氣(51) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文