24h購物| | PChome| 登入
2004-07-25 12:53:49| 人氣21| 回應0 | 上一篇 | 下一篇

24-7-2004 探訪正生書院（戒毒）！要有理念！

推薦 0 收藏 0 轉貼0 訂閱站台

今日一早唔係返工，而係去左探訪正生書院，佢係位於大嶼山霞澗既地方（其實都唔係好知道係邊），不過我地先去左長洲，因為佢地o係長洲有好多經濟活動做既，而佢地既學生主要就係協助做緊一些經濟活動。呢一度既學生好多都係因為藏毒，受“感化令”而入來的！今日去到參觀，同佢地傾左一陣計，發覺佢地真係好成熟，絕對比起其他同年齡既人更好。佢地入到呢到，真係學到好多好實際既野，如果講面對社會，講到工作能力！呢度既人確實強過普遍青少年多多聲呀！其實都諗到好多野，依家香港既教育，事實上只係知識上的教授，有冇同佢地既處理心態上既教育呢？佢地識唔識，有冇能力去面對個社會呢？呢一度俾左一個好好既環境佢地，要佢地了解社會，面對現實！要踏出呢一個圈圈，其實好困難，而呢一度既重點就係要做呢一樣野，讀書唔成，行錯一次路，又有咩問題呢？呢班人先只係可以生存於社會既人呀！由呢一度，我睇返依家既教師同埋社工，多唔多教師同社工可以踏出我地呢一個框框呢？好多時候，人本服務，社會工作既行業，大家都困在一個框框內，完全與社會及經濟脫離了。你要你的學生適應社會，老實講，你地又有幾多能力呢？自己都未可以跳出呢個框框，你有咩能力說服佢地咁一樣呀？我覺得呢一度協助他們的方式，上至他們服務的理念好強，好有心，好實際！大家一起去做，咁先可以切身處地去了解他們的需要，他們的問題！要教授青少年面對現實，大家都先面對現實吧！點解呢度既青少年比起外面一般既青少年更有自信心，更Strong，更有團隊精神呢？真係要帶班家長入來睇下呀！
今晚返工，有得食蛋糕呢！Sylvia話仲爭蛋糕，所以帶埋俾我食了！我呢一年既生日就係咁簡單就過了！不過簡單唔簡單，開心唔開心，都冇乜關係既！呢一個Summer，上“陳偉道”呢一科俾到我好大既體會和感受！一個人既理念，對自已的定位，要重新再思考一下了！一路咁終身學習，一路會發覺自己既不足！不過亦發覺自己值得欣賞的地方呢！

我要檢舉
台長： 崑崙
人氣(21) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文