這是基仔的第一次，也是萍兒的第一次．
１．鄭中基獻唱龍咁威／只要你愛我／飛女正傳
相信基仔是想要搞下突破，一開始出場的竟然並非古巨基而是鄭中基，鄭中基唱了三首歌就離開了台，沒有和基仔打照面，二人也沒有合唱．
２．基仔出場，唱奇洛李維斯回信（薜凱琪）／自作多情（周慧敏）／垃圾（盧巧音）
你果然是想要搞新意，一出場先唱別人的歌，一個字：正！
基仔唱自作多情時好搞笑又好風騷，Vivian亦有到現場，在台下跟著唱．
３．愛神／神蹟／任天堂流淚
這是基仔的音樂會，當然要獻唱自己的歌～基仔唱得好投入，去到好盡，我暗想：你一開始就去到咁盡，後面支唔支持到架？
基仔仲要滿頭大汗，顯見滿臉都是汗水，濕到透．
４．透視 （莫文蔚）／遇見（孫燕姿）／我願意（王菲）／約定（王菲）／暗湧（王菲）
去得太盡，要飲啖水，再唱好女人．
基仔特別的聲線、假音王子的假音，去演譯三位女歌手的歌，聽出意猶，別有一番滋味，超正！
５．赤子（葉德嫻）／願（林憶蓮）
基仔說這兩首歌應該天生是一首來的，但卻成了兩首歌分別給兩位歌手唱，於是今晚把它們串回一起唱．
基仔表示很喜歡這幾句歌詞：我自信有日如願，縱使天高地厚，仍被我逆轉．
６．至NET小人類／我愛毛查查
基仔笑言其實他在作曲作詞方面都很有才華！然後唱了自己親手包辦作曲作詞的至NET小人類，唱得好激，仲話：「如果俾班小朋友聽到，實嚇死晒佢地!」．之後唱了另一首兒歌我愛毛查查，他說他每次唱都搞不清楚哪句是唱「為何矇查查」哪句是唱「誰人矇查查」．
全場氣氛勁正，又搞笑．
７．大雄
兒童節目時段，再來一首叮噹入面的大雄，基仔獻唱最新派台作大雄．基仔又將「大懶豬」唱了做「大臭豬」了，難道這才是真正的歌詞？
首歌咁難唱，唱live一樣勁好聽，基仔，你係得o既！
８．其實我...我...我...／我對門匙說／Santa Claus／Can We Try／第二最愛
基仔說是張佳添令他找到屬於古巨基自己的聲音，這part請來Clayton替他以結他伴奏及和音，唱了五首Clayton跟他合作的歌曲．第二最愛將基仔與假音劃上等號，但基仔說請不要忽略他的真音．
個人很喜歡基仔和Clayton合作的作品，覺得這部分真的非常捧，擦出火花，正正正！！期待新碟中你們合作的新作！
９．羅馬假期／悟空／煞科（鄭秀文）
這部分大玩Jazz，基仔說采排時已玩得好興奮，唱了羅馬假期，Jazz版悟空及Jazz版煞科．
基仔你唱得好興奮，我都覺得好high好正，唱左咁耐，仲要全場都去到咁盡，你似乎仲好夠氣喎，除了「正」我都唔知講乜好啦！
１０．假如（杜麗莎）
１１．我的驕傲（容祖兒）
基仔向我們這班歌迷說多謝，多謝我們一直以來的支持，說了很多心底話，好感動．基仔向全場九十度鞠躬，hold左好耐，一向眼淺的基仔又流下男兒淚來．提到年頭叱吒頒獎禮，基仔哭著說：「 我年頭講既係真架… 我真係…真係…好鐘意唱歌…… 」
這一刻，我真係好感動好感動好感動！基仔，我地一直都支持你架，我地唔會離棄你架，你今日企係呢個台上面，證明左俾我地睇，你係值得我地支持的！能成為你的歌迷，支持你替你打氣，陪你笑陪你哭，是我的福氣！
基仔唱我的驕傲，他說這首歌會令他想起年頭，基仔喊到唱唔到，我地全場替他唱下去，好感動！
基仔，Pride of you! 你是我信心！
１２．必殺技
又是喊的時候獻唱這首歌，這首歌，對基仔的意義很大．
唱歌，是你的必殺技．
１３．歡樂今宵
另一首對基仔意義重大的歌．
１４．友共情
今晚最後一首歌，唱完這首基仔就飛身入左後台喇，連bye都冇講，我完全feel唔到個show係完左喎，我好想嗌encore架！
其他插曲：
有fans送左副對聯俾基仔：「必殺金牌古巨基，決戰樂壇風雲起．」
基仔開左「決戰樂壇風雲起」先架，跟住佢口快快自己up左個好搞笑ge下聯．
基仔要鳴謝但搵黎搵去都搵唔到張字條，跟住有人同佢玩搜身：「扒埋牆」，基仔話「俾次機會啦阿sir」
基仔還說剛巧Paco在現場，如果大家想問問演唱會幾時開， 可以現在問了！還說想開幾多場演唱會，就拍耐d手啦！ 怎知，我們拍過不停，當基仔準備想繼續唱歌時， 我們仍然不停在拍，（梗係啦，個唱喎，拍到個show完我都制呀），拍到連基仔都要話：「夠啦夠啦，Paco收到架喇．」
有fans送左好大支彩砲俾基仔，好長，噴紙碎，叫基仔扭，但基仔搞極都搞唔掂，坐在下面的Ba叔教佢，佢都係開唔到：「唔好意思，俾我攞返屋企先慢慢搞．」
總括講句：
基仔！ＧＯＯＤ ＳＨＯＷ！！！！！
文章定位：
