叮叮藍藍生活日誌~ 記錄叮叮,藍藍開心的每一天!!

0愛的鼓勵 0訂閱站台

由於窗花唔係太穩陣, 所以當無人既時候, 叮叮藍藍就要返籠仔, 直至有人係屋企先會放佢地出來玩, 估唔到就係咁..........叮叮比藍藍整親, 仲要嚴重到隻腳斷左.....

好彩咁岩男友係度, 以為真係唔知點算......無啦啦返屋企見到叮叮拖住隻腳仔行, 訓左係床仔度唔肯郁, 係咁叫...好似好痛咁.....叫到我個心離哂~~ 好驚好驚, 而且個陣都好夜..差唔多11點幾啦~~ 如果得我一個都唔知點算......又要處理叮叮, 又要照顧藍藍......

九秒九CALL的的落元朗睇夜診, 初時唸住叮叮可能係壓到, 腫左..點知醫生見到叮叮掂一掂就講, 應該係斷左骨...........斷骨, 聽完之後我想喊呀!唔怪得叮叮痛到係咁叫......

一心唸住聽日會有骨科醫生處理叮叮, 所以無唸過帶叮叮走, 原來所謂20幾年骨科經驗係咁.........ONLY講錢, 叮叮傷勢只係是是但但講無乜事, 照左X-RAY斷骨, 做手術切左舊股骨就可以! 救命~~ 由於今早返工, 媽咪同大哥帶叮叮去診所, 比左X-RAY錢就走..根本由來已久都無見過果個醫生, 所謂外國骨科醫生~~ 全程都係個護士同我講.........

根本唔係錢唔錢既問題, 我要見醫生, 了解下病情, 同埋係唔係真係有需要切除股骨呢?? 有無後遺症?? 對叮叮日後有無影響??  好多好多問題....最後同男友商量之後...決定帶叮叮走~~ 返上水去睇蕭醫生~~  

第一晚整親去睇急症, 第二日比個所謂專科醫生點到慌, 第三日好早就出發去上水, 因為叮叮隻腳仔唔拖得.....望住佢咁痛, 我個心比佢仲痛呀~~

等左好耐終於到叮叮, 蕭醫生只係望左張X-RAY, 再望望我們..唉左一聲, 咩咁大件事呀?? 之後解釋番究竟叮叮發生咩一回事.....對醫生來講最簡單梗係切股骨, 依個手術佢都識做...但係為貓貓著想的話, 就試下駁骨, 打骨釘...由於叮叮仲係幼貓, 骨仔好幼, 仲要打骨釘落去, 依個手術好難.....佢都無把握可以做到, 最後介紹個有經驗既醫生比我地......

於是九秒九CALL的的落荃灣...........等左好多個鐘終於見到醫生, 係一個台灣人.....好詳情同我地解釋叮叮個傷勢, 手術既風險, 第一選擇就係駁骨, 唔可以先切除股骨.....見完醫生同男友都鬆一口氣, 因為個醫生比到信心我地......起碼佢係以貓貓著想行先, 以心為本呀~~

同埋都擔心叮叮唔食野既問題, 不斷試糧比佢......因為人又好, 動物又好, 真係要食野呀! 先有氣力架.............

幫叮叮辦理入院手術之後, 同男友終於可以食野.....二個都餓到頭暈暈....不過唔可以返屋企住, 因為想等夜晚探病時候去睇叮叮......

好多謝男友依幾日落心落力去照顧我同叮叮........由於擔心整痛叮叮, 佢全程係診所都唔敢坐, 唔敢放低叮叮........又真係幾細心既.......

仲有以前時時笑男友一毛不拔真係唔好意思......今次叮叮手術費用, 搭的的費用, 都由男友比...出錢又出力, 仲要同我等探病時間, 去買日用品比叮叮, 因為用開豆腐砂, 男友話診所用水晶砂好硬會整到叮叮隻腳仔架........一定要換番豆腐砂, 於是去買........

今次件事令我對男友有改觀~~ 時時話你無用......原來有事上來...最有用係你.........