3月17日 (星期六)
今日, 番工冇咩野做, 放工就番屋企休息一下, 一陣再出去. 去邊? 去見第三十五個net fd, 呵呵~~~
今次, 感覺同之前出去見net fd好唔同. 唔知點解, 同心怡識o左唔係好耐, 但係大家都几好傾, 好快就開始熟熟地. 雖然未真正見過面, 但已經成為o左朋友仔.
約o左6:00pm 係旺角, 嗯, 佢好準時喎! 我都未到添, 遲o左少少, 真係sorry呀! 時間尚早, 係旺角行o左一陣, 之後去朗豪坊, 影下相相. 嗯, 原來佢好鍾意影相相o架, 平時見佢都影好多相相, 有時仲會send d俾我睇, 嘿嘿~~~
去o左朗豪坊o既"扒王之王"食dinner, 黎度環境好舒服呀, 冇介紹錯哩! 竟然佢要抄我, 同我一樣要食雜扒. 佢話食雜扒最好, 唔駛唸, 咩都有得食. 抄我就抄我啦, 係度搵藉口.
原來佢準備o左份禮物俾我喎, 我冇唸過o架, 真係好surprise呀! 佢又唔俾我即是拆喎, 係都要我番o左屋企先. 神神秘秘, 送o左d乜野俾我先?
食完dinner, 行o左一陣, 送埋佢上車, 我就番屋企lu. 番到屋企都好夜lu, 快d閃去覺覺豬.
原來佢份禮物好有份量呀, 真係好特別, 真係好surprise! 有朱古力蛋糕仔, 了結糖, 一瓶幸運星, 入面仲有祝福語, 有一個相架, 同埋一張咭仔添! 全部都係佢自己整o架, 真係有心思呀, 我好感動呀! 心怡, 多謝晒, 我會好好保存o架! 我好少收到黎d咁特別o既禮物o架, 我真係好開心呀! "Dreams come true!" 幸運星星, 真係會咁靈驗? 希望我o既願望會成真啦! 收到你份咁特別o既禮物, 真係唔知點樣回禮俾你好添, 到時真係有排煩惱啦!
--------------------------------------------------------------
PS. 原來女朋友心入面仲有我, 記得我生日, 打電話黎祝我生日快樂, 又買o左份禮物俾我. 好開心呀, 佢仲記得我, 仲係掛住我, 仲係鍾意我! 雖然佢未有時間陪我慶祝生日, 但我知你係有我心啦, 我已經好開心. 份禮物佢係MSN度show o左俾我睇呀, 係一瓶好似幸運星咁o既野, 我睇得唔係好清楚o羅. 仲有毛毛公仔呀, 係一對公仔黎o架, 係果d結婚公仔呀. 係咪一個係我, 係個係佢先??? 我真係好開心呀, 原來仍然愛住我, 完全感受到女朋友o既心意. 我好鍾意份禮物呀, 多謝晒! 几時親手送俾我先?
女朋友知道我收o左一份好特別, 好有心思, 異性朋友送o既禮物, 唔知有冇呷唶呢??? 我鍾意o既係你呀, 唔好亂咁唸野, 自己嚇自己啦, 傻豬!
自己氹自己開心, 買份禮物俾自己. 買o左盒高達模型, 盒模型係最高完成度o既 1:60 Perfect Grade (PG). 好貴呀, 我都係第一次咋o架啦, 唔知砌完出黎會係點樣o既呢? 不過我都有排砌......
文章定位：
人氣(95) | 回應(2)| 推薦 (
0)| 收藏 (
0)|
轉寄
全站分類:
不分類
