24h購物| | PChome| 登入
2005-07-17 11:50:01| 人氣21| 回應0 | 上一篇 | 下一篇

機動戰士特種計劃

推薦 0 收藏 0 轉貼0 訂閱站台

7月16日 (星期六)
雀巢約o左我同高雄去旺角UA睇戲, 睇神奇四俠. 我同高雄就對黎套戲冇咩特別興趣, 只係雀巢想睇o羅, 我地只係陪佢去. 今日放工出到去旺角, 佢地已經到o左排緊隊. 排排下隊, 有個女仔係度派緊礶野飲, 佢係排隊買機飛果條隊度遂個派. 我地都拿o左支試下, 原來支野係有助補充體力, 集中精神o既, 飲過之後我地都一致認同支野好難飲呀, 邊有人會買o架! 排隊都排o左几個字, 到我地果時, 一點几場, 兩點几場已經滿晒冇乜位啦. 到我地買飛果時, 我地就話睇三點几場, 點知滿晒, 再話睇下一場o既五點几場, 點知又係滿晒, 睇戲個位置座得唔好o既就唔好睇啦, 咁我地就冇買飛啦, 走人lu. 行去油麻地百老匯, 點知行去去戲院, 原來黎間冇上畫, 即係唔駛睇啦. 已經2:30pm, 咁辛苦行o左過黎, 我就話去食野先啦.

食完野, 去o左機鋪打機, 咁o岩見到部新機, 係機動戰士特種計劃 (Gundam Seed). 黎間機鋪都算大, 有四部新o既高達機, 仲要係有兩個server, 可以分開玩, 唔駛下下都挑機. 我地去到果時, 部新機都仲整理緊, 等o左一陣, 終於玩得啦. 6蚊一鋪, 都好貴o者, 同埋冇咩人玩, 可能俾6蚊嚇到唔想玩啦! 我同高雄就去試下玩, 大家都玩o左兩鋪, 覺得黎隻新o既高達game o既速度比之前果d o既高達game快好多, 尤其係d子彈, 快到好似冇得睇住黎閃避, 真係要憑感覺去閃避, 即係要考大家o既即時反應咁o羅! 同埋黎隻新o既高達game, 玩起上黎覺得好亂, 時時刻刻都要提高警覺, 留意四周圍o既環境, 真係好緊張刺激呀!

打完機, 就行返去旺角潮流特區度睇下錶. 因為之前我係雜誌度睇到隻錶几靚呀, 所以咪出黎睇下果隻錶. 我買o左果隻錶啦, 同雜誌寫o既價錢一樣, 隻錶$698, 唔知算唔算貴呢?

我要檢舉
台長： 生蠔仔
人氣(21) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文