2月14日 (星期一)
夜晚冇咩野做, 又係屋企玩ICQ. 差唔多想去訓覺果時, 見到果果online, 就同佢傾o左陣計, 又問返佢覺得果日出去睇戲點樣. 佢話我唔夠細心呀! 噢, no! 佢咁樣講, 就令我回億返四年前o既野啦. 係四年前, 都有一個女仔講過我唔夠細心. 係當時, 我都唔知點樣做先可以俾人覺得細心d, 同埋我都唔係咁識得點樣去追女仔, 傻傻間間咁撞晒板o羅! 我發覺自己好多野都唔識, 咁就四圍問人, 四圍去學, 當然唔係只係學點樣追女仔啦, 女仔o既思想方式, 行為, 對事物的看法, 同埋選擇男朋友時有咩野重要o既條件, 當然唔只咁少野啦, 仲有好多好多關於男性與女性o既問題, 而d賤野都學到少少o既. 一學就學o左三年, 終於覺得自己已經有一定o既知識, 對自己都有返d信心, 唔會好似以前咁乜都唔識, 所以開始想去識多d女仔. 點知到現家, 都仲係未有伴侶, 可能因為緣份未到啦, 因為我係黎几年所學到o既野有好多都未有機會用返出黎, 有d覺得佢份人几好, 想了解佢多d, 點知佢又冇咩反應咁喎, 完全唔覺得有d咩野feel啦, 有d覺得佢唔係好o岩自己o既, 佢遍遍又好熱情, 好似對我好有feel喎! 天呀, 玩我咩!
果果話我唔夠細心, 留意唔到佢好倦喎! 講真, 我地睇完戲果時, 我知道佢好倦, 我果時都好倦啦, 所以都唔係几想唸野, 大家都冇講野一段時間, 最後就俾佢開口講野先. 而佢話佢之前同完佢班fd行完街, 已經行到倦倦地啦, 但係我同佢見o左面, 買完戲飛食完野之後, 佢仲想四周行下, 去下黎度睇野, 去下果度睇野, 好似精神翼翼咁款, 果時我真係唔覺得佢有倦意. 佢除o左話我唔夠細心之外, 佢仲留意到我成日笑. 佢唔係好明白點解我成日笑, 問我點解o羅! 我份人係好開朗, 好玩得, 唔易嬲o既. 我開朗o既程度去到邊度, 就唔係人人都想像得到, 有d人會唔明白點解我會開朗成咁樣o既, 真係唔知有d咩野事先至會令我嬲. 成日都笑係我o既象徵, 每個接觸過我o既人都會知道. 但係果果就話我成日都笑, 覺得我好唔認真喎! 唔笑, 唔通成日苦瓜乾咁o既面口好咩? 成日笑同成日唔笑之間要取一個平衡, 好似唔係咁易做得到喎! 因為笑已經成為我o既習慣, 唔係話改就改到o架喎!
文章定位：
