** 一月廿三日 **
呢日天氣已經好凍, 大約十二度左右, 天文台話之後兩日市區會降至八至十度. 今次大鑊啦.
** 一月廿四日 **
出發日, 我地一行十人向塔門邁進, 連本來去唔到o既冰冰都可以順利起行.
十一點, 到達鑚石山地鐵站.
十二點, 係百徍shopping~~
兩點半, 巴士開車.
三點半, 由歡哥送我地去塔門.
四點, 到達營地並開始鑥營. (天氣一直良好, 氣沩合適)
六點, 一切準備妥當.
呢個時候, 我同甘甘根據地圖所示沿石灘向呂字疊石進發, 希望去到上次無去到o既塔門洞, 點知一直都搵唔到.
到達呂字疊石, 我地突然希望爬到石頂, 所以乜都唔諗就爬左上去.
其中一步有上身有少少向後傾,好彩馬上伸手捉返實，否則都唔洗返黎.
依家諗返都冇少少驚. hehe
我同甘甘上到石頂當然係影返幾張相先落返黎啦.
落黎果陣輕易而峄, 終於完成心願. yeah~~~
七點左右, 我地開始打邊爐啦.
滾呀滾~~~
個gas爐唔係咁生性, 郁下停下, 我地足足用左一個鐘頭先食到第一粒牛丸.
好美味呀........
中途有雜草飛到食物上亦都會照食可也...... hahah
如事者, 我地由七點開始打邊爐直至凌晨一點左右, 其間飢寒交迫.
因為氣沩下跌得好快, 我由著兩件衫増加至五件衫都未夠, 頸巾冷帽手套梗加係唔可以放低添呀.
打邊爐途中o既娛樂就只係望星同講笑.
好彩, 我地當晚唔止見到北斗七星, 仲見到流星添.
雖然好凍, 但係望住天上的繁星都已經值回票價.
食完之後 (絶對未飽), 我地好快走返入營入面，因為出面太凍啦.
入到營後, 我感覺到地下有寒氣湧上, 難而成眠.
因此整晚時睡時醒直至第二朝.
** 一月廿五日 **
是日天氣晴朗, 太陽猛烈!!
今日氣溫酷熱, 曬到踎.
今日第一個節目係食早餐, 之後我同甘甘軍曹行去對住石灘方向玩"穿雲箭", 點知煙花向草坡降落, 並且著火, 我同甘甘立即走落去踩熄火種同埋去石灘玩過.
hehe
玩完一排煙花, 我地返上營地邊玩炸蛋同炸屎. hahah 原來仲好玩架.
之後, 大家開始執野啦.
就係甘甘佢地去左洗野o既時候, 我自己一個向石灘另一方向進發, 點知俾我去到塔門洞. 正!! 可惜其他人無法睇到.
其後, 我地所有人一齊再去呂字疊石影相. 今次到阿元爬到石頂, 又一勇士成功了.
yeah~~~~
影相過後, 我地終於要離開啦...........
就係咁, 我o既第一次露營就玩完啦.
唔知幾時再有機會呢?
hehe
:p
文章定位：
