占 Mina媽＠Dennis｜PChome Online 個人新聞台

2005-07-11 04:09:12| 人氣23| 回應0 | 上一篇 | 下一篇

占 Mina媽

推薦 0 收藏 0 轉貼0 訂閱站台

星期六,青聚係以斯拉記同尼希米記分享,今次比較少人先有準備,咁我唯有講兩次喇,有時我都唔想咁. 之後,同咗永鴻出咗去吹陣水,去咗麥記,五點吹到六點九,很好的是交換了唔同的睇法,我相信我講的嘢令佢有啲不可置信,佢的事也很正常的,所以我成日都話,世上本無超人,又何必去扮啫,扮俾邊個睇呢.

又過CWB,七點九約咗占同Mina媽媽係金百利等,不過媽媽成日遲,所以我地兩個仔就去間"印尼餐廳"等住先,間嘢係恩平道,禮頓中心對面. 媽媽遲成半個鐘,我地點咗個牛尾湯,沙律,炒菜,印尼炒飯,咖喱雞...其實唔係特別好食,占話山林道間比較好,不過三個人都係四百蚊左右都算喇,同埋我地係坐咗成三粒鐘,最後一台先走喎. 媽媽真係辭咗職,唔做KPMG,去咗間VXL做acct;而占就番緊Zurich. 咁之後我就同占去飲嘢,咁佢一定去番太子,因為我話想飲紅酒,所以嘛開咗支二百幾的,佢送咗樣台灣手信俾我,個盒好靚嫁,係Playboy的condom.

今日都好精神,不過可能俾人識穿咗有啲攰. 夜晚一家人去街,好耐都無做過呢樣嘢,其實係因為想換過部電視,想買薄mon. 所以一干人等去咗尖咀,海運頂的電器舖,都係咁喇,不過突然又覺得唔係咁想買喎. 總之搞咗一大輪,八點去食飯,因為有coupon所以去咗佢地(唔包括我呀哥)未去過的DanRyan,我一再聲明唔好叫四人餐,不過啲人好少理,所以最後個拼盆完全無食過咁滯,anyway,個沙律真係好掂.

認識了一個人,他....愛主,也愛自己的愛人,但那愛人和他分開了,他常告訴自己:就算有一天我們不在一起了,也要像在一起一樣....我不想傷害他,卻也不想他傷害自己:人總是要走陌生的路,看陌生的風景,聽陌生的歌,然後在某個不經意的瞬間,發現, 原本費盡心機想要忘記的事情,真的就那麼忘記了

我要檢舉

台長： Dennis

人氣(23) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)