二十三日來的陽光＠Dennis｜PChome Online 個人新聞台

2005-06-29 02:12:04| 人氣34| 回應0 | 上一篇 | 下一篇

二十三日來的陽光

推薦 0 收藏 0 轉貼0 訂閱站台

我地都唔係超人,所以我唔鐘意有人刻意咁去營造自己樣樣掂,好堅強的形象,我地都只不過係有血有肉的常人,有軟弱有潰崩的時候,你會發覺,當人去面對最嚴俊的環境時,反而會去放縱自己,去做一啲平時唔會唔敢做的嘢.

那個電話,老實講,確實嚇到我. 識咗你咁耐,未試過會係咁,所以我即時問你係邊,但係聽到你background都算靜,所以都無咁担心. 你就是從來都是那樣的為人著想,對friend係咁,無事就唔出聲,有事問都唔出聲;對於一啲完全唔值得的人又係咁,咁又何苦呢. 日久見人心,時間證明咗好多的事,你身邊的家人,朋友,什至自己都能夠講一句公道話,唔開心嗰人唔應該係你. 人我都見得多,但係自私都咁我都未見過. 不過事情去到呢個地步,我諗你都唔可以俾自己個心咁軟,因為己經軟咗太耐喇,受傷到咁的地步,係時候保護自己. 唔好成日自己一個人,咁會諗嘢鑽牛角尖的,既然咁好太陽,好應該出去活動吓嘛.

星期一的四點十分,係呢三個多星期我第一次可以同陽光嬉戲的日子,當我落到UST泳池時,池邊所有的晒太陽地方己經俾外國人盡佔,咁我唯有上去晒太陽區,那種的陽光不惹人厭,因為靜同埋眼瞓,醒的時候己經五點. 而今日我又再去李鄭屋晒,一點鐘的時段的太陽是不同的,就是有那種燙人的威力,提醒著我不能瞓著,否則會燙傷. 兩點半就走,好明顯我真係黎晒的,唔係黎游水.

晚上,回番電話俾尋晚打過俾我但係我無接佢電話的H,大家可不用認識他,因為他是一個typical的男仔:粗糙,無論思想為人說話方面都是那樣的粗糙,和他一齊撘地鐵,他可以行好遠咁去第二個車卡,原因係要揾靚女,說話極盡粗鄙之能事,但係,衰在我今晚都無咩興趣讀書,嘛出咗出同咗佢吹陣水,其實有時雖然係公價啫,但係我都唔明點解長沙灣的bar係normal hour同尖咀的bar賣的酒可以一樣價錢.

開始愛Whisky,因為夠純,以前覺得啲人咁鐘意飲好奇怪,而家一點點,我一開始也是加雪碧/綠茶等飲,而加淨係加冰,真係.....感到自己老咗.

我要檢舉

台長： Dennis

人氣(34) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)