2004年3月24日(三)
今日係好高興既一日，我終於都能夠同阿梓姐就到d時間去睇「阿sir0黎自樂人谷」呢套戲啦。
睇戲之前我就去左「popular」度買本IELTS既應考既參考書，因為我原先買個本俾我細佬整唔見左，激死我，所以我今日用左$130買多一本呢，唉!!!其實我黎緊既星期六就考架啦，真係有D臨急抱佛腳既感覺~~~
買完之後我同阿梓同DUMDUM三人周圍去睇CHEESE CAKE，睇到我口水都流晒，不過因為時間關係，而我又心大心細唔知食邊款好，所以最後都冇買到，不過我真係好想食番件NEWYORK CHEESECAKE架，特別係ITALIAN TOMATO個度既，諗宦起都流口水添.....>.<":::
之後係冇買野食既情況底下就入左場啦，不過我地都有買爆谷食，其實琴晚開始我都諗起想食架啦，估唔到阿梓姐都有興趣，實在太好了，如果唔係得我自己一個人想食我一定唔會買，一黎貴啦，二黎一定食唔晒，好彩即~~~~
講番套戲，呢套戲真係正到痺呀，全場時間110mins，其間一d冷場都冇，我睇呢套戲睇到好似睇緊concert緊，睇到我熱血沸騰，全場係度又拍手又盛咁，阿梓姐當然都唔弱啦(d反應)，好在全場得6個人(加埋我地兩個)即，如果唔係我地兩個應該會唔多受歡迎(太嘈了)，哈哈~~~~鬼咩，套野上左兩個幾禮拜都就黎落畫我地先去睇....想多人都幾難啦，而且唔知點解呢套戲百老匯得荃灣有得睇，所以我地兩個都逼住去冇咁就我地腳既ua沙田睇，諗諗下，原來今次好似係我地兩個相識10多年以來(熟左6年以來)第一次一齊去睇戲，真係攪野....
不過呢套戲真係好好睇，我地兩個都好有興趣睇多次，正版既vcd/dvd就一定買硬架啦，再睇多兩三次應該都只係minimun，入面既音樂簡直滿足到我地兩個既要求，而且d小朋友又得意又攪鬼，真係睇到鬼死咁開心~~~~~~
今日係GLAY既出ALBUM日子，我當然會買啦，而且而家買仲平好多添喎，而家買只要$158，仲有DVD送埋(初回限定版)，但遲D買就要成$210，原先阿梓姐唔諗住今日買架，都抵受唔住呢個平價錢，驚遲左要用$210先買到，所以佢都臨時轉?叫我幫佢買住先~~~~~哈哈~~~~~~~真係好高興~~~岩岩睇完套ROCK野既「阿sir0黎自樂人谷」，今晚又可以聽GLAY喎~~~~真係好高興呢~~~~等我怏D DUP左落MD度擰出街聽先~~~YEAH~~~~~
最後，今日同阿梓姐打賭，賭一餐「和民」，哈哈~~~~我諗我嬴既機會大d啦，不過個結果都唔知要幾耐之後先會知道，呢個係我地兩個既秘密~~我真係覺得我地兩個好不可思義，竟然可以打賭呢d野，哈哈~~~阿梓姐記住唔好同人講我地打賭d咩喎~~~~實在諗起都覺得有d難為情....
文章定位：
