加德滿都和博卡拉市內遊
1/5/08 6:20 9個人集合後就乘坐8:00-10:40的泰航到曼谷轉機, 飛機遲了30分鐘起飛, 11:05才到達曼谷，我們立即到轉機的閘口, 經一輪檢查後(大家記得所有液體都要檢查包括太陽油, 水就更加唔使指意帶到上機)安全上機,12:45係飛機上才吃我們的早餐。尼泊爾時間13:00(香港15:15) 到達加德滿都機場, 因為我們已在香港辦好尼泊爾簽證, 所以節省了出境手續和時間, 13:40我們便離開出境大樓,找到來接我們的旅行社NEAT老闆Chandra。不過有一件事必需同大家分享: 我們看旅遊書說機場對換率好一點(未出境前只有一間對換店), 但事實是最差的對換價, 正確一些是受騙, 當天的對換價是1USD: 61NRs, 我們對換us900, 那個職員用計算機計一次給我看, 然後給我們全部$500大鈔, 我一心只顧著叫他換少一些面值的紙幣, 後來計一計, 他計的數是錯的, 他只給我們59*900, 少了NRs1,800, 不知是否他的計算機壞了, 而且在市雜裡找到的對換店匯率一般都比機場的好(1對62-63). 我們坐半小時車到他的酒店International Guest House, 休息一會, Chandra在酒店花園講解一次我們的行程, 交導遊費和證件相, 然後他派一位職員陪我們行市雜和寺廟。每個街口都是佛像, 建築物都有一些木雕, 石雕, 有很多橫街窄巷, 而且市雜有很多人和車. 我們行了3個鐘, 突然下大雨, 18:40我們便找一間餐廳吃晚飯和避雨, 點了些炒麵炒飯pizza, 在等吃飯的時候, 突然停電, 在加德滿都和博卡拉, 大家時常吃燭光晚餐, 所以夜晚要帶備電筒出街, 因為供電唔穩定，每日只有四小時供電。回酒店, 問reception攞蠟燭火柴返房沖涼睡覺。
2/5/08 今日是由旅行社安排的加德滿都市內遊, 有專車和一位導遊幫我們講解歷史和宗教信仰。7:30酒店食早餐; 8:35-9:55遊Swayambhunath 猴廟-是出名的佛教寺廟, 因山上有很多猴子走來走去而得名, 內有一個印度神廟與生育有關, 所以有很多婦女到這裡祈福, 在高處可俯視加德滿都全景; 10:55 Patan Durbar Square-是一個古代的皇宮, 最古老的城市, 內有很多寺廟神殿, 很多居民在這裡來來往往: 上學, 攞水, 休息。12:00-13:30 在廣場裡一間café頂樓吃午飯, 上面的景觀真的很宏偉。13:45-15:05 Pashpatinath Temple-是印度教的火葬場, 在 BagmatiRiver 旁進行火葬儀式, 這裡有很多白塔和苦行僧。15:25-15:45 Boudhanath Stupa-世界最大的圓佛塔, 信眾順時針圍著它走。到supermarket買水, 回酒店梳洗後, 19:15-21:15到Chandra屋企食飯, 他太太為我們準備了尼泊爾餐, 由前菜到甜品, 吃完豐富的晚餐, 我們便步行回酒店。
3/5/08 今日是出發到博卡拉Pokhara的日子, 7:00早餐, 7:45 guide和porter來到酒店, 把行李搬上車頂, Chandra向我們介紹一下他們的名字, 原來帶我們遊市雜的年青人是我們其中一個guide, 大家拍大合照後, 乘約5小時的車到pokhara, 幸好今天是星期六, 公眾假期, 不用上學, 否則塞車情況更嚴重。12:45-13:45在中途吃午飯, 14:00到pokhara酒店 Hotel Plaza Annapurna, 14:45-17:15到 Fewalake湖邊右手面走走, 行了上山上的The Astle Resort飲杯下午茶。回酒店, 在花園order晚餐和早餐後, 上山導遊 Jaya 向我們講解10天的上山路線和山上情況, 他希望我們有心理準備, 避免誤解, 而且他也要了解一下我們的身體狀況和上山裝備，可能我們這班人一般年齡較大, 唔似行得之人。
14/5/08 今日是博卡拉自悠行, purna和jaya做我地免費嚮導, 我們昨天已plan好行程去和平塔和老城區。朝早6:30去湖畔行個圈, 睇下當地人既生活; 8:30差不多個個起晒身食早餐; 9:30出發去湖邊碼頭坐艇仔過對岸, 經過湖中印度廟Shiva temple, 然後行50分鐘上山頂World Peace Stupa, 原本可以睇到雪山, 不過太多雲遮住晒, 只可俯視整個pokhara。沿另一邊山路落山, 有一棵好大既樹, 好好風, 舒服到唔想走, 約13:00租左架車順路去埋Devil Fall, 行左10分鐘便到, 經過一個供奉牛既印度廟, 行入洞穴入面, 不過因為未到雨季, 比較少水。跟住返去Pokhara酒店附近食午餐; 15:30-16:15到Old Pokhara遊覽, 呢條街比較靜, 建築物很古舊, 我地買左粟米返酒店食, 我介紹牛油粟米粒比佢地試下。19:15-21:15 去左一間有歌舞表現既餐廳食飯, 仲被舞蹈藝員捉左出去跳舞, 大家飲左d啤酒, high high地。
15/5/08 7:00-7:30食完早餐, 要離開Pokhara, 乘約6小時車返加德滿都。Chandra 約見我地, 想問下我地對山上既行程滿唔滿意, 約明晚一齊食飯, 佢仲幫我地安排一架車明天去參觀Bhaktapur。 之後, 16:45 行街市, 他們買左羌和尼泊爾米。19:45 去左一間法國餐廳名叫 K-to Beer & Steak house 食扒, 約Rs350-550/set, 每人叫左杯Rum酒, 我以為係果汁酒, 點知酒精好勁, 飲左半杯頭重重, 全身紅晒, 返到酒店無水無電, 即訓, 寧願4點幾起身沖涼。
16/5/08 7:00餐廳先開門, 約左架車和guide7:30係酒店出發去Bhaktapur- 一個古老皇宮, 約一小時車程。外國人要比Rs750門票, 而我地只要出示中國護照, 只收Rs50。這裡冇Thamel咁嘈雜, 地方較大, 空氣都清新d。 同Patan Durbar Square 幾似, 有好多寺廟, 佛像, 宮殿, 庭園, 雕塑, 但這裡比較多自由, 好多古建築都可以行上去。行到10:45上車, 但遇到塞車, 加德滿都如果壞車或撞到人的話, 冇咁快可以解決, 一定要行小路走, 所以塞左個半鐘車, 差不多行晒加德滿都既大城小巷。13:15 guide帶左我地去佢地時常食野既快餐店, 佢地話又平又好食, 仲叫左好多野食。然後參觀他們的辦公室, 牆上掛左佢地既行山牌照, 其他既guide和porter都係度等工作, 我地影張大合照後, 同porter佢地去行街買教科書, 因為Sapa和Binod都讀緊high school, 而Jaya和Purna想學語文。買完書後, 真係要同porter道別, 而guide就帶我們去買尼泊爾衫sali、茶葉和CDs。18:30佢地送我地返酒店, 真係要講再見, 因為唔知明天老闆使唔使他們送機, 佢地好唔惜得, 因為大家相處左咁多日, 已經成為朋友啦。19:00到Chandra屋企食飯, 佢真係好客氣, 整左好多食物, 又準備左一人一套制服和紀念品送給我們。
17/5/08 7:00一早落好大雨, 食完早餐睇下買唔買到手信, 因為我咩都未買過, 點交差呢！不過好多店舖都未開門, 行到10:00要返去酒店。10:45 老細要我地寫低comment, 我地特登著晒佢公司既制服同佢地影大合照, 不過只有Jaya和 Chandra送我們去機場, 老細話班細佬好傷心唔黎送機啦。11:45到機場, 逐個旅客守身後, 排隊boarding, 至少等左個半鐘, 而且仲要辦離境手續 (係離境大堂既銀行交離境稅 NRs1695/人), 寄艙行李上飛機仲耐 (所以大家要預早2-3小時到機場), 原定13:50起飛, 延遲到14:30才上機; 19:30 (曼谷時間, 早香港1小時)到曼谷機場。我們係曼谷玩一日先返香港, 18日的旅程就完滿結束啦。
10 days trek – Annapurna Sanctuary
4/5/08 7:00早餐, 把唔使帶上山的行李寄存在pokhara酒店, 7:45-9:00 乘車到Nayapul (1340m), 4個porter用繩pack好我們的行裝後起步, 10:00到第一站check point-Birethanti (1050m)。天氣雖然熱, 一路上都有水喉洗面，porter都是飲水喉水的。12:00-13:15食午餐, 落左order後, 到溪流玩水, 最年輕的porter-Binod和我們一起在河邊玩, 捉魚仔。因為在山上冇肉食, 而且想買都難買得到, 所以在這裡買了兩隻公雞(Rs1700), 他們就用手抱著生雞上山。14:30到我們第一晚住的tea house Tikedhungha (1540m)。山上的旅店大多用太陽能發電, 水源充足, 比加德滿都的黃泥水好得多, 但因為是山水, 而且山上溫差大, 雖然沖熱水涼要比錢的 (Rs40-80，越高處物價越貴), 但我們為免著涼, 每日都選擇用熱水.16:45下午茶後煮雞，有對荷蘭夫婦看見我們玩得那麼開心, 感染了他們, 我們同導遊說不要看我們時時笑容滿面, 其實我們是笑住黎鬧交, 哈哈！相信我們都是最嘈最熱鬧的一班人呢。18:45-20:00吃飯，本來導遊說要一起唱歌跳舞, 但我們行得太累, 而且明天要行1300米上山，所以選擇了早點睡覺。
5/5/08 6:45-7:15早餐; 9:50 Ulleri (2070m) 休息飲coke; 11:30-13:00 到Nangathanti 食午餐, 落大雨, 其間遇到兩個韓國女仔上Poonhill; 下午行樹林, 14:20到Ghorapani (2853m), 原本入住的旅店無足夠房間, 所以去一間較新的, 而且景觀更好, 我們用柴火火爐乾衫和取暖; 16:45 tea time煲茶 (所有沸水都要錢的, 通常Rs30-50/L, 為免腸胃不適, 切勿飲用生水, 所以建議大家飲煲滾左既水或樽裝凍飲)。在下午茶後, 一些人去了買手工藝品。18:00吃飯後, 一些人在玩pair牌, 我們和導遊聊天, 談談大家的生活和家人, 尼泊爾通常9點先吃晚飯; 他們現在都沒有那麼早婚了; 有很多人有高學歷, 到城市都找不到工作; 他們都不相信這班auntie的年齡和已經有像他們那麼大的兒女, 因為她們看起來太年輕了。
6/5/08 4:30上Poonhill (3210m)睇日出。早上天氣冷, 而且上3千米以上, 行得辛苦d, 但5:15開始天亮, 天氣晴朗, 看見魚尾峰Machhapuchhre (6993m)了。5:25到Poonhill 已經有很多遊客在山頂, 大家都在等待日出, 有人已set好機影日照金山, 看到雲海, 喝了杯熱朱古力, 這是一個很好的景點看Annapurna的山群, 大家合照後, 6:20-6:45下山, 整理行裝後; 7:45-8:35食早餐, 。今日都大上大落, 上返3100m, 遠眺Poonhill, 全山都是高山牡丹, 尼泊爾國花, 然後一路落到Deurali, 10:30 休息一會再落谷底; 11:30-12:45 在Banthanti (約2100m)食午餐, 下大雨, 穿上雨衣起步不久又出陽光, 走一段較平坦的上山路; 14:00 到Tadapani (2630m)，又再下大雨, 遲一步就變落湯雞。 洗澡後, 我的同房珍珍發現小腿上有個小傷口流血不止, 原來她被吸血蟲咬到，幸好我們有帶藥物,止血後沒什麼事。17:30晚餐; 19:00睡覺, 今晚係我訓得最好既一晚, 因為之前都訓得唔好, 成晚醒, 今晚可能成晚落雨, 特別靜, 而且上完poonhill, 大家都冇事, 高山症既心理障礙大大減少, 今朝又起得早呢。
7/5/08 7:00-7:45 對住靚靚雪山食早餐, 今日行得最長既一日, 原定去到Chhomrong就完成, 但為了明天可以行短d, 所以今日要行多兩個鐘到Sinuwa。一起步先上山, 途經村莊外的圍欄, 要小心兩旁的針草, 被刺到會紅腫有火燒既感覺, 要一日時間先退。然後沿梯田落山, 看到身旁的麥田, 因這裡是個大村, 一路上有放牧的羊群和幾條橋, 導遊叮囑我們要小心點, 過橋時要避開羊群, 很多小孩子上學, 我們也經過一間學校。落到山谷底, 又要不停上梯級, 9:40休息, 望返去對面山的梯田。”銀星之旅”就是這時候改的: 山上的石級和沙石很多都是銀光閃閃的, 我們一面低頭行, 陽光被那些石面反射, 因此而得名。11:25-13:25 Chhomrong (2100m)食lunch, 我們的行友一到步就放d衫係屋頂的石面度晒, 因為夜晚落雨, 通常d衫都唔乾。Purna幫我地煮Nepali black tea, 好似羌茶既味道, 我地第一次飲就好鐘意啦。之後兩個鐘好似行左半個世紀咁耐, 又要落25分鐘到谷底再上返個半鐘山, 一個V字形, 沿路有好多瀑布, 河流。15:15到Sinuwa (2340m)後, 又下雨, 今日真是累了, 攰到唔想出聲, 其實佢個景好靚-魚尾峰係山谷之間, 不過都唔想影相, 又凍, 老闆問我們要不要放煤氣爐在飯枱底, 我們以為只要Rs40, 咁就比大家暖下, 點知收錢時先知道是每人Rs40呢。呢間旅館個女係大明星, 牆上面掛左佢d相, 而且呢個族既女性好似摩梭族既女性一樣, 可以一妻多夫架。16:30 tea; 18:15 dinner. 零晨2點幾去廁所時, 見到個天有好多繁星, 所以凍d都坐係露台睇下星星, 有星雲, 仲見到十幾粒流星添。
8/5/08 5:30起左身睇日出, 做運動, 自上山開始, 我們已培養做早操既習慣, 不過今日連導遊都一齊耍太極操; 7:05-7:45早餐; 9:15到Bamboo (2310m); 10:15 到Dovan (2505m) 飲可樂, 呢度既汽水最貴Rs140/樽, 可能得佢一間掛, 所以我地一人半枝; 12:00-13:30 Himalaya (2900m)食lunch, 最出名係pizza, 我地當然要試下啦, 坐一陣開始覺得凍, 見到d韓國人食辛辣麵, 佢地都好想食。14:45 到Deurali (3200m) Dream Lodge, 這裡冇熱水冇電, 我地都係用山水抺下身, 洗衫。之前行過的瀑布好靚, 所以我地行返去影相。食tea既時候, 我教porter佢地玩pair牌, 佢地好聰明, 講一次就明。今晚都係6:00食飯, 好早就訓啦。
9/5/08 6:00起身; 7:00-7:45食早餐, 今日出發去ABC啦。起步不久有泥石流既危險, 幾年前有兩對德國夫婦和他們的guide在這裡遇難, 所以山谷右邊開多條安全d既路, 過了水流好急既河後, 就係谷底行左成個鐘, 兩旁都是雪山, 感覺自己好渺小; 9:45-10:05係MBC (3700m)休息, 喝了杯熱飲再起步, 而家係高地行, 所以唔想行咁急, 要慢慢黎, 沿路既植物與山下的好唔同, 個雪山越黎越近我地;12:00到ABC (4130m), 這裡都是冇水冇電, 要用雪水洗面, 屋旁都已結冰。好凍, 好攰, 好眼訓, 不過都要食d野暖下肚, 我地即刻叫左每人一碗湯麵, 加左d番茄,蒜頭,黑椒,羌,蘑姑, 又驅寒又驅風, 正! 食完午飯, 我地去行左個圈, 睇下人地d camp site, guide和porter同其他人打排球, 我們就冇本事玩啦, 雲霧起, 風也很大, 都係返房訓一陣, 不過太凍訓唔到, 後來問佢地攞被今晚用。其實Jaya一到步就提醒我們要保暖, 病左就好易有高山症, 好彩我地有暖包, 原來真係有用。食tea & dinner後, 又係好早19:00訓, 今晚guide和porter冇房訓, 要係飯堂休息。
10/5/08 5:00起身睇日出; 5:25開始日出, 朝早天氣好清, 無風, 360度雪山景色, Annapurna South (7219m) 係正你前面, 好壯觀, 日照金山、雲海、 雪山倒影在湖面上, 超正, 睇到眼定定, 坐係大石上面等待日出, 影到過左6:45先食早餐, 快速梳洗, 收拾睡袋行裝。7:35離開ABC, 雖然落山輕鬆好多, 不過今日要行好長路程, 落返1800m去Sinuwa; 10:45 Himalaya休息飲野; 12:00 Dovan lunch; 14:45 到步; 食tea至未開餐既時間, Jaya要記住我們每個人的名稱, 佢就教返我地尼泊爾話和他們6個人的名字, 這是一次很好的交流; 7:15訓覺。
11/5/08 7:00-7:45早餐, 今日路程很短, 所以9:25在中途站Chhomrong休息左40分鐘, 見到d porter著拖鞋行, 原來佢地d鞋行到爛左, Binod隻腳行到流血, 我地既護士Betty到步後即刻幫佢消毒包紮傷口; 10:35就到目的地Jhinu danda (1780m hot spring), Jaya係中途已經買左兩隻雞, 因為咁多日都冇肉提供, 佢有d唔好意思, 係旅館再買多兩隻, 今晚加餸。我地有個團友琼姐識講少少尼泊爾話, 佢講價又叻, 見到有人賣生果, 就買左d蘋果, 蕃茄仔。12:45-13:25 食午餐後去浸溫泉, 都要行20分鐘先落到河邊, 分別有3個池, 我們在最大(約2m*3m)、最熱既池一齊浸, 它真是一個天然露天溫泉, 溫泉水不停流出河, 我地著住行山既衫, 順便洗埋衫, 哈哈。浸完, 成個人鬆晒, 行步路都快d。沖身洗頭後, 我地既大廚和財政大臣興哥指揮佢地殺雞, 我就緊係等食啦。19:15-21:15 第一次全部人同枱食飯, 好似一家人咁, 好開心, 仲開party, 唱歌跳舞打鼓, 嘈到其他旅館既遊客都入埋黎玩, 今晚都算係最夜訓既一晚啦。
12/5/08 6:00起身; 7:00早餐; 去到一個大村Landruk (1560m)作短暫休息, 呢個村靚就靚, 不過被旅遊業污染左佢地樸素既民風: 小朋友採d花問遊客攞糖; 影耕田, 農民問你攞錢。行得快的兩個隊友比人點錯路, 差d走失, 好彩Purna追得返佢地。10:30到Tolka (1775m)休息, 突然落大雨, 所以我地11:30係度食埋午飯; 14:15 到Pothana旅館, 呢度可以睇到Annapurna和Pokhara既風景。因為就快完成旅程, 我地都唔知點比小費, 所以直接問guide, 佢地覺得我地分好晒逐個比最好, 原本想比晒佢地自己分, 唔使煩架嘛。18:05晚餐, 我地試左新野-spring roll, 一人一個, 原來唔似中國春卷咁細條, 係大大個, 大過隻手掌, 食唔晒。今晚傾計傾到8點先訓。
13/5/08 5:15 起身; 6:45-7:45 食早餐; 今日係最後一日行山, 我地行得好慢影下相; 8:15黎到Dhampus(1750m) 最後一個check point, 攞返登山證; 經過村莊, 9:25 落到Phedi (1100m), 已經有車係度等; 10:00 開30mins車回程到Pokhara酒店。開返個電話先知阿妹send左個短訊比我, 因為大陸發生大地震, 阿媽叫我打返屋企報平安 (返香港既飛機上睇到報紙, 先知咁大件事)。梳洗, 整理好小費和把我們可以唔要既衣物, 藥物, 水樽, 背囊等物資送給porter。為左多謝佢地, 我地決定每人送一對鞋, 同佢地揀完新鞋後, 我地自己行街。返酒店食西瓜煲茶飲時, 得知Manog因細女入左醫院, 所以班porter明早要乘的士返加德滿都。今晚我地食中國菜慶祝完成山上既旅程, 18:15行半個鐘到蘭花飯店, 叫左成枱餸。到尾聲, 大家講下今次行程既感受, 我地係香港已經準備左d小禮物和小費比佢地, 大家都好開心, 我地非常感謝佢地一路上既照顧, 令旅程順利, 平安和愉快。
文章定位：
人氣(81) | 回應(0)| 推薦 (
0)| 收藏 (
0)|
轉寄
全站分類:
不分類
