南之私心事 很久沒有打日記了,各位賞面不妨看看呢!

38愛的鼓勵 0訂閱站台

「財神」今日出街啦.....出乎意料地順利

老細最近唔喺香港...我做公司既野執得緊左好多

好似尋晚咁....明明我對半個鐘既版

我對左兩個鐘....因為發現好多貼士都差唔多

我改晒之後...今日同佢地講都要跟住我改

 

今晚家族團年飯...去左銅鑼灣打邊爐....好開心....

家族給我的溫暖永遠感覺到好幸福

但最開心既係.........................................

呢兩張飛......係家姐俾我既....

佢叫我同嘉穎年初二去睇煙花.....

但我初二要返工...都唔知放幾點....

所以我問嘉穎去唔去.....咁啱佢有個朋友喺美國返左黎....

初三就走....我叫嘉穎同佢個fd去^^

嘉穎超開心....仲好多謝家姐添......

我聽日拎比佢

 

其實家姐一向都好鐘意嘉穎...佢覺得嘉穎好乖

而我自己又點諗....？

「有感而發-------真心話」

其實我同佢仲係朋友....無一齊到.....

但佢其實同我講過好多說話.....

 

1.佢同我講過︰「其實男朋友講既野...我會聽架....」

我問︰「哈哈...咁唔講道理既野..你唔會聽喇啩...」

佢勁細聲︰「其實都會....」

 

2.我無意中講過「而家仲邊有女仔....自己個男人同朋友講野....

自己喺身邊靜英英湊仔架.....」

佢答我︰「我囉....其實我係一個咁既女仔黎架...我好靜架其實...

你唔係唔知呀嗎....-_-"」

 

3.我話我鐘意識煮野食既女仔....

佢答我︰「哈哈^^~~我煮野好叻架....喺美國嗰陣時...我...（下刪三百字....）-_-"」

 

4.佢好耐之前想做空姐...仲考過添....我問佢︰「你仲想唔想做空姐呀...

我爸爸個老細係serior...佢可以幫到你.....但係我講明先...我唔係好贊成....」

佢幾緊張問︰「點解既？」我答左佢.....

佢︰「哦！咁好啦！^^」

之後佢已經無講過想做空姐....

 

5.我從來無要求過公幹後既佢要報告行蹤....結果佢自動自覺....仲報得好詳細...

（其實我最顎然係以上呢一點......）

 

6.我同佢講︰你好似無諗過拍拖既問題咁既...

佢好認真咁答左我一個我無諗過佢會咁答我既答案....

 

7.佢試過喺馬鞍山返寶林特登陪我行街....

 

8.佢同我講過佢第時會點樣教仔女......

 

仲有好多好多.....有啲係佢私隱...我唔會打出黎...

 

我好多謝佢...尤其佢喺我分手既時候....工作上遇到極大困難既時候....

佢陪我傾計.....一個星期見四五次都試過....

佢陪我度過咗幾段好辛苦既時間....我真係好多謝佢.....

 

家姐問我係咪仲未有勇氣去接受另一段新感情....

一來啦....二來我覺得嘉穎有時對我仲係朋友咁架咋....

雖然而家佢收工九成九會話我知...lunch又會吹下水....

有時同朋友去完街又會同我講.....有時我去完街又會問我返到屋企未....

 

其次係...佢太叻女....佢屋企會唔會介意佢有個比佢差既男朋友呢....

經過上一次之後...我先會諗對方屋企既感受.....

縱使嘉穎同我講過︰「無論屋企人會否反對，我都唔會理」（當時佢好認真）

其實我知道....嘉穎一向係個幾硬頸既女仔黎架....

 

佢有時仲會講野語氣麻麻地...我同佢講話佢對其他人有時會咁...

佢自己都知...所以改緊....

但係佢從來都無對我講過一句語氣差既說話...

 

佢其實幫左我好多情緒上既野....

亦因為咁....我都了解佢多左好多

我有一次問佢︰「你覺得我對你好唔好？」

佢好快就答︰「梗係好！有咩唔好呀！？」

 

慧賢話...︰「你地兩個根本就係拍緊拖」

順其自然啦...可能根本就唔會一齊

我知道佢有條件有一個比我更好既男朋友

我暫時比唔到好好既生活佢....我唔想嘥佢時間

不過無論點...我都好多謝佢付出既時間同埋心機

亦都好開心家姐對我講過一啲我銘記心頭既說話

 

嘉穎唔係靚，但係佢真係一個好好既女仔

一個毫無港女性格既女仔...唔知係咪因為佢喺美國生活得太耐呢....

難怪佢咁多人追....