南之私心事 很久沒有打日記了,各位賞面不妨看看呢!

38愛的鼓勵 0訂閱站台

  尋日十一點就過到旺角搵阿儀食lunch啦！

呢隻熊貓仔.....-_-

幫佢拎左啲野上佢新舖之後，就同佢去食野

一坐低...食野之外就喺度玩大家既新電話同tab

好好玩呀真係！haha~~

坐坐下.....佢︰哎呀！！！我唔記得拎中藥呀！！

我︰驚乜鬼唧？我幫你拎咪得囉！！喺邊呀！？

 

哈哈....佢冒失時都好攪笑....hahahaha

 

之後我幫佢拎左中藥之後就拎上新舖比佢..

佢喺門口好攪笑...姣姣地咁同我講︰我唔俾返錢你架....hahahaha^^

 

傻婆！！hahaha

 

之後返屋企睇馬啦.....

睇完就輕鬆下....做下freelance工作

臨訓前又玩下個tab....

阿儀叫︰唔准咁沉迷架....

 

我知道啦！hahaha~~玩下遊戲輕鬆下丫嘛！

 

今日九點就返到公司....

要代替阿興做賽績...又要做個新既in design版聽日開會用...

九點九.....

「咦？九點九啦！打比女女叫佢起身先！」

打完了.....阿傑話︰

「連叫床服務都有...真係溫馨呀....」

叫床服務.....-_-

 

接近四點幾...做賽績做到超睏....

阿儀打黎︰

「我打極比你都打唔通呀！我幾驚你有事呀！你再唔聽我打去你屋企架喇！」

「驚我同第二啲女女一齊呀？哈哈」

「如果係我反而無咁驚呀！你起碼安全丫！我驚你遇意外咋！！」

喺電話旁邊既我已經笑左出黎...

六年前....julia都曾經為左我送完佢返屋企...電話無電...

佢打去我屋企搵我...都係驚我出意外....

不過...我唔知點解佢以前咁緊張我（呢一次...哈哈）

 

我返到位....send個sms比佢︰

「老婆....我永遠愛您」

 

佢夜晚見到我個sms....喺電話同我講︰me too...=^.^=

 

冧到傻仔.....

 

阿儀同我講佢聽日收工之後要趕返旺角傾野...

我成日都好擔心佢份人咁急....

唔睇燈就衝過馬路呀....

坦白講....佢因為揀左第二個人而離開左我...

我只係會唔開心一陣...因為佢搵到佢既幸福....

其實會係值得開心既事

(touchwood)但如果佢因為.....而離開左我...

我會唔開心好耐囉.....會十倍傷心囉...

因為我同佢拍拖初期已視佢為未來太太喇

希望佢會小心啲....

衝燈前要記住佢身邊有一個人永遠同佢自己一樣咁擔心對方安全架.....

 

眼訓了....good night~~^^