南之私心事 很久沒有打日記了,各位賞面不妨看看呢!

38愛的鼓勵 0訂閱站台

（講公事居多，想睇阿儀既野可以調頭了...hahaha!）.....-_-

 

尋晚做完運動.....身水身汗返到屋企....

沖埋個涼....點知上到床仲係眼碌碌....

差唔多點幾鐘先至訓.....

今朝六點就起身....

唔知做乜....又唔係攰喎...

鬼咁精靈....haha!!^^

 

好彩今日精靈咋....如果唔係就大大鑊...

事關有個同事做賽績既時間...

竟然夠膽死將第六場既騎師改落第七場.....

好彩比我另一個同事睇到...

之後呢個做錯野既同事....當然比我「提點」左幾句.....

 

另一項一樣咁大鑊....

幾位同事夾份對個排位表....

竟然第一場出現兩個檔位一模一樣都睇唔到...

攪到版房已經印緊...

幾個字後...我睇睇下....

大叫「咦？頭場個檔位double左既？？要即刻停喎！」

之後老細即刻走出黎....大鬧果幾個同事啦....

好鬼死嬲....因為錯乜都好....

但千祈唔好錯個排位表...

我以前就係錯過一次...攪到收到人生第一封/唯一一封警告信啦...

今朝最後仲開會開左幾個字...

公司就損失左幾千蚊喇...因為印左既報紙要銷毀....

 

之後開會就提出個意見...

就梗係「我自己親自對啦....好過錯」

因為我星期一九點後行行企企架咋....

寧願做下呢啲野啦....

 

今日幫我手既同事全部唔得閒...

因為要幫馬房日報手...

攪到早報我自己埋晒......-_-

haha~不過都好，錯少啲，聽日唔駛改咁多

 

今晚既晚餐，因為屋企無飯食，食菜加四隻餃子

（夠膽死搵自己份報紙墊住....喺公司如果咁樣唔比人剷死....）

 

 

放工之後搭巴士....有個bb超攪笑....

訓到流晒口水咁伏喺媽媽度....

肥嘟嘟咁....哈哈....

又見到對日本母子....香港真係多左好多日本人呀....

 

http://www.youtube.com/watch?v=C6plv_vnx4Y

對以上呢首歌有深刻的情意結....

唱出呢首歌時....那一個情境畢生難忘....

原來阿儀仲係張柏芝咁既聲.....

好記得真係勁溫柔呀....

平時講野粗粗魯魯咁（只限對我既時候，對啲老人家就相反，真慘慘，哈哈哈）

而家溫柔吓咪幾好~~^^

 

不過，梗係希望佢快啲好返啦....

尤其天氣有時會涼涼地...呢個大頭蝦成日要提住佢著多啲衫..

好彩佢而家喺個mon貼住張紙提自己幾點食藥...

做野忙啲都唔好好似上次咁...連飯都唔記得食就好勒...

 

就黎到阿儀生日....雖然我唔知今年會係邊個喺佢身邊陪佢....

但...都希望佢依然過得開心同快樂....

 

 

而家01:38....好掛住你呀...好想send sms話你比知...