南之私心事 很久沒有打日記了,各位賞面不妨看看呢!

38愛的鼓勵 0訂閱站台

星期二因為我要替我同事去葵涌工作....

所以一點就收工.....

臨收工前...老細當住所有同事講:

阿南~~~叫埋佢地成日講果個女仔去食buffet!!我請佢食!!

(佢既意思係嘉穎....因為我d同事成日都話我對呢個女仔好好

..不過佢地唔知佢叫嘉穎...)

 

但係今次(12月29日)呢餐buffet...講到明只係編輯部既人....

家屬同打字部既人都無請.......

所以我老細特別叫埋嘉穎去....都係因為我.....

多謝老細.....

 

夜晚.....同嘉穎去左銅鑼灣食飯....

途中阿健打黎.....傾得好開心....

好多謝呢個好朋友既支持!

(開心到差d忽略左嘉穎.............)

 

之後我地去左香港公園散步....好靚好靚.....

再去埋中環睇下棵聖誕樹...仲影左d相tim....ha!!^^

 

途中佢話我陪佢去過哥連臣角...即係佢表弟"住"既地方...

佢話同我地入唔去到...因為大門已經關了...

我真係一d印像都無喎!....>.<....我真係諗左好耐!!

無理由我會唔記得ga wo!!

但係佢就連我地幾時去.....點樣去都講埋.....

 

最後應承左嘉穎.....0係佢臨走之前...陪佢去拜佢表弟.....

(其實咁多年來...嘉穎都好錫佢呢個表弟的....

所以嘉穎將來返左美國...我都會幫佢拜下佢表弟的..)

 

之後就送嘉穎返屋企勒.....

行行下....

佢同我講:你係咪有野想同我講呢....

最後暫時無同佢講...但係講左一聲對唔住...

因為以前令佢同偉麟咁唔開心....

嘉穎話估唔到我而家仲記得.....

 

今日七點就返到公司...因為實在太多野兼顧...

而家逢跑日馬..我係負責晒我份報紙既所有野....

名義上係總編輯咁滯...但係壓力就大得很了.....

 

晏晝.....收工了!!本來嘉穎話陪我出去做野....

但係公司話唔駛去...直情放假!!hahahaha!!^^

所以就同佢去左街~~~^^

最後去左又一城~~~

仲同我講左好多醫學既野...佢真係叻女左好多...

而且佢仲係一個好關心佢身邊每一個人既女仔黎...

然後食左餐飯....埋單92蚊!!!!

嘉穎叫我收埋d錢~~因為佢比~!

佢話:上次我地講過架....100蚊以下我比!!!^^

後悔點解唔叫多d野食................爭8蚊之嘛!!!

 

 

 

無耐..嘉穎話有d唔舒服.....想感冒咁....

摸佢額頭同塊面...好彩無乜事....

但係佢已經被我禁止左飲凍野...兼且呢排要休息多d!

上次佢管完我..今次輪到我管返佢!!^^

希望佢無事就好勒!~~~~

 

嘉穎問我...發夢時經常見到邊個.....

婆婆...契媽....中學同學...但係我無同佢講"同埋你"....-_-

 

之後送返佢去柴灣...因為佢約左Mandy....

(本身我諗住拜婆婆的...但係唔緊要啦...星期日先拜囉..)

 

其實我知道自己唔會係佢男朋友來的...

而家係好清醒的...絕對唔會有幻想...

但係....將來到佢有男朋友既時候....

我就唔可以再咁對佢架la....

趁而家....可以對佢好的都會盡力對佢好....

雖然唔會有實質回報.....

但係鐘意一個人唔駛一定要回報既....

只要可以見到鐘意既人開心...已經係好好既回報黎架啦...

只要佢幸福....就乜野都唔重要勒....

因為佢好...所以值得對佢好.....^-^

 

 

曾經幻想過同佢結婚.....(事實上真係發夢見過)

幻想場內播著呢首歌...而我0係場外行入黎.....

佢就0係台上面...一直好感動咁.....

http://hk.youtube.com/watch?v=ZStoR9wYiNs

 

仍難盡信我是這樣地無窮好運......
能遇上精彩的妳.......
我缺點勝別人.........
你竟費盡心神把我留起....

如仍未清楚地說在目前和今後.......
(仍難盡清楚地說在目前和今後)
無論那一天都愛妳....
我這刻要直言到滄海或桑田....
最深愛的亦只是妳......

我與妳永不可別離........　
愛妳愛到死........
因只得妳方可使我流露自己.........
妳眼裡那種種傳奇........
醉我醉到死........
一生使我動情..........是妳...........