南之私心事 很久沒有打日記了,各位賞面不妨看看呢!

38愛的鼓勵 0訂閱站台

尋日十二點先起身...上msn見到嘉穎..
佢問我講電話得唔得...結果一講..
就講左個半鐘...好開心既~~
由小學講到中學...由中學講到而家..
由而家又講番到小學..仲知道有個小學同學又生左個bb..
大家都話呢排d同學好鐘意生bb咁..haha~~

之後又講吓陳自瑤...講吓陳凱怡...
因為兩個都係佢舊同學...^^~~
講電話講到大笑..haha~~~~~~~
我仲應承左佢當佢返黎香港既時候..
抽多d時間陪佢周圍去..盡力啦....

好勒....大家睇到呢度...
個心情方面..可能會好似我咁..
由上至下..............
(以下既大家可以唔睇架喇..因為始終而家係7月14..
唔想大家因此而不安...)


直至夜晚..
去左萬記..因為早前伯伯過了身..
我地全家都要去拜祭吓..
但係姨媽無去...我就不斷咁燒野比伯伯...
靈堂既氣氛亦十分輕鬆...^-^

見過伯伯...好似笑住咁瞓著左...
帶住頂卜帽...都幾安詳...^-^
大約九點就走勒...我地一家四個人去左柴灣食飯..
(有一段小插曲..就係搭118既時候..
有一個乘客無啦啦氣促得好緊要..司機以為要報警..
個乘客好彩最後都無事..嫁車都開番車lu~~)

十一點五十五分返到屋企...
之後兩點上床...諗左陣野就訓左!



打埋今日(8月26日)既日記先...
綺琪話九月十五日返黎....搵d時間見佢先~

朝早十一點半出門口...
去番萬記...姨媽..大表哥..二表哥都喺度...
個大師仲要係上次婆婆果個..好似同我地一家好有緣..

之後就做晒所有儀式之後....
原本佢地叫我拎燈籠(同上次婆婆既時候一樣..)
但係...個大師話要親人先拎得..
但係我地唔係伯伯親人..
(千依萬縷之上一代的關係...好難喺度講解得完..
總之雖然我地同伯伯唔係親人..但係不嬲都係一家人咁)

所以我都係陪伯伯搭車..照樣掉銀仔~
但係唔拎燈籠..其他野同上次婆婆既時候一樣~

之後去左鑽石山火化..
結束伯伯漫長的一生..
雖然我唔係佢個孫..但係都希望佢可以快快樂樂呀..
同婆婆一齊喺天堂生活下去....^-^

之後搭旅遊車...去返中環通善壇..
仲見到老板娘同佢個女tim~~~~不過無叫佢地..
打招呼都要睇時候既...^^”

上到去...伯伯將安喺婆婆隔離..^-^
又一齊住lu~~希望佢地唔會再好似我細個咁..
成日喺度鬧交啦...

之後去左食飯...做左阿四...
有時做最細唔係一件好事..^^”~~
又同大表哥喺度鬥咀~~hahahahaha~~
佢仲請教爸爸d日本野點整...仲比我起勢咁寸佢~haha
^-^~~我知道婆婆伯伯都會希望..
我地呢一家雖然無左佢地..但係永遠都可以嘻嘻哈哈咁食飯..
因為佢地兩個老人家..會睇住我地架嘛~~^^~~

同婆婆伯伯講:
我地會去多d通善壇探你地架...放心勒...
我有時間一定會去架..我應承左你地..
要帶我個女友...同埋d仔女比你地睇架嘛...
^-^..多謝你地原諒我以前咁頑皮..仲要將我教返好...
我永遠都唔會唔記得你地..最後希望你地永遠都會咁快樂.....