豆豉眼週記
2004年2月19日(四)
4:17am
今日好珍貴的同你講電話,雖然我唔知可以同你有乜講,亦已經唔可以同你情話連篇,可是聽到你的聲音,已經是楊枝甘露,心滿意足,於願足矣……
但人到夜深,你第一次同我講:“我媽咪仲未返屋企……”
我接著說:“可能加班吧,別擔心啦”
你續答:“但媽媽只會在大節日時才加班喔”
然後你叫醒爸爸,問問你媽媽辦公室的電話,你爸爸好冷淡的話不要擔心,也答不到你的問題,你無辦法搵到你媽咪……
你一直好擔心……
你在五分鐘裡講左“我媽咪仲未返屋企……”三次咁多。
“你真係好擔心媽咪,你在過去的五分鐘裡講左「我媽咪仲未返屋企……」三次咁多。”,我同你咁講。
你答:“係咩?”
我笑了一笑。
(我比起你更加了解你自己)
我沉重的同你講:“不如我踩單車去一去你媽咪那裡看一看吧……”
你猶豫了一會,叫我唔好。
(這時我更加肯定你非常擔心你媽咪)
……我扭多一陣……
“咁你快d換衫啦!”
我就用左一分鐘就完成左由訓覺look到出街look的變身。
我落到街即刻打電話俾你,上左的士,一直報告我見到情況,但你一直無叫過我小心。
當我去到你媽咪的辦公室,向你報告完你媽咪還在辦公室,任務完成,之後我叫你早d訓,你果真訓覺,唔知你有無擔心過我可唔可以安全返到屋企。
但我好滿足地一個人返屋企。
我著緊你的感受,比起我的安全更加重要。
我知道,我這一晚的冒險,不會令你回心轉意返來我身邊,甚至等不到你說一聲多謝,可是,為了你的安心,我的犧牲,我的危險,付出來都是有意義的。
愛不是要同這個人共偕白首
而是享受愛這個人的"感覺"
這感覺是今在永在的
文章定位: