Jenny 日記 同大家分享一下生活, 包括開心及不開心...

19愛的鼓勵 0訂閱站台

我同我嘅鄰居有好深嘅淵源
我住呢度係Villa, 有4個unit 排住, 我搬嚟住嘅時候係全新屋, 旁邊3個unit 都未有人住, 我地住咗一個月之後, 我地嘅第一個鄰居就搬嚟, 相信係一對情侶, 點知呢個鄰居非常討厭! 佢搬入嚟第一件事就係投訴我地有狗! 哈, 我地一早同real estate 講咗有狗, 先唔怕佢, 佢地諗盡辦法投訴同想趕我地走, 次次佢都失敗!!

我地好錫d 狗, 佢唔妥d 狗即係唔妥我地, 我同佢地誓不兩立!

仲有一件事, 因為car port 靠近佢地門口, 佢地理所當然咁以為兩個car port 都係屬於佢, 事實上有一個係我地嘅, 不過貪就腳, 我地非常之少用, 有一次, 我地門口無位泊車, 於是就泊返上去我地個car port 度, 點知鄰居一返到嚟就黑口黑面咁同我地怒吼 ”MOVE YOUR CAR!!” 咩態度呀!!!! 我地又話比佢地知有一個car port 係我地嘅, 只不過我地唔用之嘛, 佢又唔信, 堅持話real estate 同佢講兩個car port 都係佢地嘅, 我地就駁返佢轉頭, 我地個屋主話我地知有一個係我地ga!! 佢係都唔信, 我叫佢打電話去問我地個real estate, 我地又打去問佢個real estate, 睇吓係唔係兩個car port 都係佢嘅...事實上我地再打去問吓個owner, find out 到有一個car port 係我地嘅, 哼! 咩都唔知就聲大大, 正白痴! 之後佢無再投訴我地泊咗佢個位

雖然之後都無咩正面衝突, 但依然一樣咁大家唔妥大家

佢地成日將d 垃圾桶放响我地個車位度, 次次我地要泊車都會推走佢個垃圾桶, 我地走咗之後佢又將d 垃圾桶放响正中間....雖然唔係明刀明槍, 不過都係咁暗地裡過招...

一路以嚟佢地嚟親搵我地都係black mouth black face, 無次有好嘢...
有一次, owner 嚟幫我地剪frontyard d 草, 我地乘機投訴鄰居將d 垃圾桶放响我地個車位度, 因為我地响口門講, 佢有開窗一定聽到, 而且我地特登大聲咁講, 務求要佢地聽到....過咗一日(好似係一日, 大約啦), 佢地笑笑口咁走嚟話唔好意思, 已經將d 垃圾桶搬走咗....我地抓晒頭, 乜佢地唔係好型嘅咩, 次次嚟親唔係怒吼就投訴, 呢期竟然笑笑口喎....但我好記仇, 我係唔會對佢地好聲好氣嘅!

又有一次, 我地放狗去對面個小公園玩, d 狗玩完就會自己返屋企, 我地就响屋裡面, 但竟然鄰居又笑笑口走埋嚟問..你隻狗係唔係escape 咗呀? 我話唔係呀, 佢自己去對面玩, 玩完會自己返嚟, 佢繼續笑笑口咁話...哦..原來係咁...以為你隻狗escape 咗添....哈..佢唔係好憎我地d 狗咩! 竟然擔心佢地走佬?? 哼..都唔知有咩居心!!

但最近佢地有新搞作....你地睇吓佢門口盞燈似咩....

本來我都唔知佢地換咗盞咁嘅燈
係我好朋友話我知, 我一去睇...嘩...十足十砵蘭街d 黃色架步咁呀!!
簡直影衰晒我地4個unit!!

呢幾日都想影佢嘅相比大家睇, 不過佢幾日都無開燈, 終於今日比我見到, 即刻影嚟比大家睇!!

正常嘅門口燈應該係咁嘅...

大家比d 意見, 我就話我個鄰居盞粉紅色燈搞到佢間屋十足十”雞竇”lor!!
好無taste!