一直都好想知道...究竟人發夢係代表住D咩...
一向都唔鍾意發夢0既我...但偏偏永遠都0係開心0既時候發夢...
每次發夢...感覺都好真實...眼淚亦好真...
已經好耐未試過發一D我好想發到0既夢...
最唔想發生0既事往往就0係夢裡面遇到...
或者人根本就唔應該發夢...安安定定咁訓一個好覺...唔得咩?...
我好想同你講:「唔係真架...永遠永遠都唔會發生...」...
其實我好鍾意"愛"呢種感覺...無論係開心定傷心...都好鍾意...
我覺得一個人一生之中如果未遇過呢D感覺...
就好似錯過左好多野...有呢種感覺...先會明白到自己係一個點0既人...
先會明白到自己得到過D咩...失去過D咩...
從而唔會再俾機會0係下一次發生同樣0既野...
雖然...講就好容易囉...但人永遠都鍾意好似飛娥咁撲火...
越知道係一個陷阱...就越要去踩隻腳落去...
唔會架喇...我知道我唔會再做一個咁樣0既人...
我已經唔再需要去追求呢D幸福...因為真正0既幸福我已經搵到...
或者好多人諗:「嘩~你得果20歲女...咁快就咁肯定?...」
無錯呀...我肯定呀...就算最後0既結果係我估計錯誤...
我都唔會覺得自己做錯過D咩決定或者點樣...
我只係覺得「我從來唔後悔我所做0既事~我只後悔我冇去做到0既事」...
哈哈...雄爺教架...好0岩丫...
曾經睇過"薰衣草"呢套戲...雖然套戲有D無聊...
但有一句野我覺得好有意思同好0岩...
Kelly話人0既味覺永遠都唔會失憶...
世上有無數咁多0既味道...你只要聞過一次...
你就一定會永遠都記得...聽完之後...我諗左好耐...
發覺原來真係架喎...有時0係街到聞D路人身上0既香水味...
你可能就會令你諗起某D事或某D人...
自此之後...我就會好留意唔同人0既香水...
每人0既感覺都好唔同...好特別...可能同一隻香水...
噴落唔同人身上...感覺都好唔同...
每次用親新香水...我身邊0既人都會發覺到...
我覺得個感覺好得意...原來都有人留意呢樣野架喎...
文章定位：
