好!終於可以開始我既台灣遊記啦~
第一天:
屋企 -> 中正機場 -> 六福村主題公園 -> 晚餐(石頭火鍋) -> 飯店 -> (自由活動時間)華西街夜市
晨早6:30就出門口啦...好眼訓呀~~~
星期一朝早仲係打緊風,所以搭左去沙田再轉A車,點知等車中途俾個師奶屈我地累佢走左班車,其實係佢自己睇錯左架車,而同一時間咁飱,隔離垃圾桶傳出一陣燒焦既味道...唔通呢一個就係台灣既味道?...Hahahahhaa...
由於上機個時仲打緊風,所以架飛機飛得非常不穩定,呢次係我搭過最恐怖既飛機,搞到成架機d人都係度嗌~~~~~~到左~台灣~既上空...嘩...超天氣好呀!!!一步出飛機就見到好好既大陽...
不過個~中正機場~就好似舊機場咁..好舊...
到達台灣已經係12點幾啦...上到旅行車先知原來唔係住行程表上面既飯店...而且又改埋行程...好失望呀...
冇辦法啦...
大約2:30到達左第一站-~六福村主題公園~,唉...都未有心理準備...玩乜鬼呀..仲要玩得個兩個半鐘玩個屁呀?
~六福村主題公園~有四大部份-~野生動物園~,~阿拉伯皇宮~,~南太平洋~,~美國大西部~.其中阿拉伯皇宮就係 ~流星花園~ ~杉菜~同~道明寺~第一次拍拖去既遊樂場...所以第一時間梗係向個度進發啦!!!Wahahahh
去到玩左個好無聊又唔驚仲衰過OP既~動感影院~,之後呢去左上次玩唔到既~滑浪飛船~,跟住就玩~跳樓機~!!!
雖然呢個跳樓機高d,但都係OP果個好feel d~!!
玩完d咁刺激既野,所以好肚餓..係搵野食既途中,見到台灣既藝人~黑人~呀...好開心呀!!!之後連肚餓都擺埋一邊...掛住影相!!!~~
搵左好耐,終於搵到一間岩心水既餐廳啦...wah...食食下野點知~黑人~走過來...我地同佢say hi啦...知唔知佢點?
佢個樣擺出黎唔想應我地,都唔nice既...破壞哂自己形象.
講番個度d野食,d薯條好好味,不過個雞包唔知點解係甜...好怪!!!
食完野諗住玩~橡皮艇~啦..點知搵黎搵去都搵唔到...唉..唔夠時間啦..唯有去~野生動物園~...嘩,好大,行唔哂..同埋好臭...
兩個半鍾就係玩到咁少野...就咁㎡哂啦~!!!!!!
玩完之後,導遊就帶我地去食野啦...搭車途中,見到好多玻璃屋仔,入面坐住一個女仔,導遊話呢d係叫~檳榔西施~
仲好奸咁落車幫襯買左d檳榔上黎旅遊車,個西施好索,不過我淨係影到佢背脊咋.
講番食野先,晚餐就係食我最鍾意既大野啦(石頭火鍋)...
嘩..一入到去就覺得間野好唔掂...唔夠大,d野食又唔多!!又係冇辦法啦..旅行社安排既係咁上下
好彩我冇貪心...一擺落口發覺d野食全部都係甜架...eeee....d腸仔,牛丸,豬肉丸我地食開鹹架嘛..嘩而家轉哂做甜...真係受不了呀!!!! 食左一兩轉就冇再食啦...
[0係咁難食既野當中,我搵到一生中最愛既生果,叫做~百香果~!!! 酸酸meimei咁架,我第一次見到佢既食法都好難接受,但食落簡直覺得可愛!!!
點樣食呢?就係割左個頭先,跟住插支筷子入去攪...了完幾個圈之後,百香果入面個d汁同核就會變成好似AA超能膠咁既顏色同質感...個樣係好肉酸,不過一啜左落口 真係唔捨得停!!!!]
大約9:30就到左飯店啦,雖然改左,但依然都係超五星既飯店-~華國飯店~.入到去....超細lobby呀...唉...上到房都冇乜期望...好彩張床超舒服~~!!!
執好d野,大約10:30就開始自己走出去行...我正餐食得咁少,當然唔會錯過夜市既機會...所以第一站既自由活動就去~華西街夜市~!!
我地搭的士去~華西街夜市~,原來個度d的士只係坐四個人,我地一行五人就冒住險上左的士.
而我地就俾的士司機合理咁兜路...佢話要避police喎~! 去到~華西街夜市~
個度其實睇得出幾有歷史,同埋好多唔同野賣...類似香港既廟街...d野食又好味,又平,又大件...好抵!!!!
雖然係咁,除左野食之外其他野都唔太平,同埋個度d人唔俾講價...唔好玩~
就係咁行到一點幾就返飯店...沖下涼執下野都搞到3:00...訓lu...
7:00 morning call ..仲唔死?!!~
[後記:第一日感覺好失望,一落機超似大陸...又未有準備去遊樂場..d野又難食...
好彩比我試到~百香果~同見到好索既~檳榔西施~...仲有個度超多電單車同的士,chi sin ga~!!!]
文章定位：
