24h購物| | PChome| 登入
2007-04-15 11:08:47| 人氣123| 回應0 | 上一篇 | 下一篇

硬食兩棍

推薦 0 收藏 0 轉貼0 訂閱站台

岩岩過去個星期，
係條邨度成為紅人，

第１．
關於個暫租車位（委員違例泊錯〔貨車及其他特別貨車〕〕，件事係咁既～
個暫租車位係放〔私家車或輕型客貨車（俗稱貨ＶＡＮ〕．

岩岩個星期收到匿名信，話委員買通管業處職員Ｔ...。
咁啲人實認為係我處理車場野，但實情係另一個同事去處理，
啲人話我處理得唔好，應該一早ＣＨＥＣＫ到就唔會發生依啲事，
使到成個法團都咁尷尬。

件事我都不知情．只係其他同事幫手處理，
唔通出去同人講「唔關我事」咩．．．
只好出去硬食一棍；
第２．關於委員對上公眾位置地台漏水．

復活節前３月２８日有消防測試，天台消防水泵試水後，地台積水，
導致漏落樓下單位天花，而樓下單位剛好係另一位委員．．．．
個委員叮囑過，我上一手及上上一手都應承左佢消防水泵做防漏，
但次次都無做，希望今次真係落實去做。

第１件事，當然係要倒截消防水泵漏水源頭，
咁撟．工程主任又放假，平時一切既物料報價都係佢做，
咁佢唔係度，我實硬食去搵報價，即日要處理好漏水問題啦～
工程主任返黎，我交待一次漏水問題，叫佢盡快買防漏物料做防漏，
委員既事唔可以攪咁耐，佢話知道。

到放假之前，佢話預算復活節後１、２日會訂好防漏物料。
日日問佢，佢日日話拎緊，
到１２號個日，中午１２點個委員打電話黎問啲防漏物料到左未，

如果答〔啲料工程主任仲拎緊報價）
分明擺工程主任上枱；

所以我話〔訂左．等送過黎〕，收左線後，
我第１時間同個工程主任講〔委員催啦，我同佢講左啲料訂左，等送過黎〕，
佢話明白。

誰不知，個委員下午２點打俾個工程主任，問啲料點會送咁耐，
個工程主任話〔啲料未訂喎，仲拎緊報價〕，
咁個委員火都黎，打俾我話

〔ＴＯＮＹ，你唔係諗住耍我嘛？敷衍我嘛？
　前幾手既管業主任應該左，都敷衍左我，以家你又係咁
　仲有如果個車位一早處理，就唔會使啲委員咁尷尬，
　ＴＯＮＹ，做野唔係咁做架〕

俾個委員輕輕咁鬧完後，我就同工程主任講
〔我１２點至同你講過話我同個委員交待過啲料訂左，等送過黎，
　你就２點同佢講未訂，仲拎報價。你擺我上枱我？大家同一條船
　，你係咪想我一早同佢講〔我一日日催工程主任訂料，但係到今
　日１２號，差不多１６日都仲未訂到料，仲拎緊報價，擺你上枱
　丫〕

之後佢話
　〔．．．．．．，咁一係我同返個委員講其實係我問題〕

我話
　〔你有時間上去解釋，倒不如你今日３點前拎晒啲報價返黎啦！！〕

最後，個委員又親自殺落黎管業處，捉住我又鬧左輪，
咁難得建立〔信任〕既關係，就俾個工程主任攻破左．．．．．．

我又硬食一棍。

到尋日星期六，同左同事呻完一輪，
總算好啲，
之後繼續溫書既生涯，
溫到９點幾，
實在頂唔順，依個星期實在太紅，
紅到眼瞓起黎，
一瞓．又瞓左１２個鐘，
攪到今朝至寫個ＢＬＯＧ。

各位．早晨

我要檢舉
台長： 阿東

您可能對以下文章有興趣

人氣(123) | 回應(0)| 推薦 (0)| 收藏 (0)| 轉寄
全站分類: 工作甘苦(工作心得、創業、求職) | 個人分類: 返工 |
此分類下一篇:好味既檸檬茶
此分類上一篇:大廈裡的紅人

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文