好幾個月冇打過牌 lu ~
尋日入左樂富係 bee bee 個 fd 屋企打牌, 四圈牌都打左幾個鐘...
八點左右飛的出左旺角 join 左班怪物食 dinner, 簡直係極品, 因為超趕時間既關係, 三爬兩撥攪掂左個 din 之後又飛的落尖咀搵 bar 睇波, 好可惜...由岩岩開波先開始搵, 搵晒差唔多成個尖咀先搵到間有位有波睇既 bar, 搵到我都唔記得間 bar 既正確位置係邊, 只係知道係半場補時前幾分鐘搵到位 ~~
四個人飲, 我都唔知自己飲左幾多, 淨係知道自己飲到十二點幾就開始醉...攪笑到係洗手間識左個女仔, 仲交換埋電話添呀, 嘻嘻~~
從未試過, 竟然飲到腳抽筋...痛左超耐, 明知自己已經到頂, 發神經係都要飲, 唔俾飲就襯佢地唔為意偷黎飲 ~
飲到嘔...不停咁嘔...係洗手間既時間仲多過係位既時間, 一係就暈住咁嘔, 一係就俾 bee bee 攬住, 根本企都企唔穏, 唔知自己攪緊乜, 成身軟晒, 係位度仲扒左係人地度瞓...
頂到兩點幾已經頂唔順...我都唔係好記得自己係點樣離開間吧...一路行一路跌, 樓梯都行唔到, 完全冇力, 仲跌坐左係地下度, 係間 bar 出面擾攘左好一段時間先有力氣”行”去搭的士...佢地一齊送左我返屋企 ~
番到屋企前個段時間, 淨係記得...自己不停咁跌坐左係地下, 名副其實扒街...
洗白白個時先知...腳都瘀晒 ~
一心以為返到屋企可以好好瞓一覺...點知...每隔一段時間就扒左起身嘔一次, 最痛苦既係...隻腳不停抽筋, 坐又痛企又痛...><
瞓到十二點幾就醒左, 依然係好暈, 個頭超痛, 食左個早餐, 點幾又開始眼瞓, 結果當然係走左去瞓, 一瞓就係六點...嘻嘻
第一次飲到咁醉, 全身冇力, 超暈, 但係意識仲清醒, 佢地問我既野我都答到, 只不過係...我行唔到...
煩麻左佢地三個, 有一個仲係第一次見, 最攪笑既係, 佢住係耀安...
今次真係丟臉極...醉到咁...又要煩麻 bee bee 佢地特登送我返屋企...真係唔好意思....
咁攪法...下次都冇面再同佢地去飲 lu ~
(好記得有一句說話不停咁係腦裡面徘徊...”何必呢...何必呢...”)
醉既代價就係辛苦.....煩麻左人辛苦左自己, 一身傷 ~
文章定位：
