Daisy＠Present｜PChome Online 個人新聞台

2006-04-29 01:42:59| 人氣52| 回應0 | 上一篇 | 下一篇

Daisy

推薦 0 收藏 0 轉貼0 訂閱站台

岩岩睇左標題呢套戲，有２個原因令我去睇．（１）係我有免費戲飛（２）係有型人靚景，有我鐘意既鄭雨盛同全智賢做，而且全片係阿姆斯特丹取景．．．鄭雨盛真係好有型，好有男人味呀，不愧為我繼元斌同玄彬之後最愛既韓國男演員 ^o^vv. 佢做個個深情既殺手真係好適合,電暈左我喇，哈哈！！至於全智賢，我覺得佢唔係一個靚女，不過佢好有性格好真,唔造作，呢個係我鐘意佢既原因．．呢套戲係一部愛情片，女主角真係好幸福，有兩個咁愛佢既人．上部份睇到我好心急，因為女主角誤會左送花比佢既人，令佢鐘意左另一個人，令一直默默守護佢既鄭雨盛好心痛．好彩最後都知道真相．雖然最後都唔算係happy ending,不過知道真相總好過唔知道．．．．同時我諗．．世上仲有冇咁好既男人？？一直默默守護深愛既人，為左對方而改變自己，冇私心，為左愛既人開心，甚至鼓勵情敵去追自己愛既人．我相信．．．世界上仍然有好少部分呢種人，只係我冇運氣遇到而已．

我要檢舉

台長：翠兒

人氣(52) | 回應(0)| 推薦 (0)| 收藏 (0)| 轉寄
全站分類: 電影賞析(電影情報、觀後感、影評)

回應(0)