24h購物| | PChome| 登入
2002-07-27 02:39:11| 人氣43| 回應0 | 上一篇 | 下一篇

好想!好想!有個答案

推薦 0 收藏 0 轉貼0 訂閱站台

同你已經就快一個年啦，究竟係咪我唔應該去愛人呀﹖可能有時我真係好唔講理，但係這兩個月入面，我好認真咁去諗去搵，究竟我係咪了解你定係我地根本唔夾，每晚由你放工開始等你電話，我一個人坐係電腦前等你ONLINE，但每當我打電話俾你或見你ONLINE時，你總是打YAHOO桌球，究竟玩重要的定係我呢﹖自從上次因為足球件事後，你都好少主動搵我啦﹗每晚係床上諗我所做的係咪錯，可能根本你由頭至尾一直冇鍾意我，係咪呀!!我唔想再去估啦﹗係這兩個月真係好辛苦啦﹗究竟你有冇當我係你女朋友呀？就連一句問候，一句安慰的說話都好少，我要的唔多只要你每日打過電話俾我﹗但這你已做唔到俾我啦﹗如果我每天唔打俾你，可能你根本忘記左有我這個人存在了。
講真一句，我真係好鍾意你，我真係唔想冇左你嫁，係你心中我可能係個好麻煩的人，但其實我根本感覺唔到你愛緊我呀﹗雖然愛同關懷唔一定表現出黎，但我係女仔黎嫁﹗我覺得好多野其實唔係我去做嫁，我同其他女仔都係一樣，希望有人關心有人錫，就好似白雪公主咁有七個小矮人咁保護佢免受傷害，仲有個白馬王子可以令佢開開心心咁。
其實你係咪好想知我屋企咩事，由細到大係屋企冇咩人會好了解我嫁﹗而且一直我係度生活都好唔開心!你一定問掂解，兩個細妹出世前，爸爸都會理下我，但一出世後，我就成日自己一個玩，家姐係大的，咩都可以買先試先，我就只有跟她，佢入邊間幼稚園、小學、中學，我就係邊間。有時我真係覺得佢地偏心，好似我咩都唔對，所以自從中學後，我都好少將心事告知佢地，就算同佢講，佢地大多拒絕我。係中學識左好多人嘉露係我最好朋友，有咩我都會話俾佢知，仲有佢，但係個時我已知我同佢冇可能，佢係個好叻的男仔，有好多女仔鍾意佢，同佢一起時間唔長，但真係好開心，但因為實在太細，學業，屋企太多太多唔想發生的事發生了而要終結。唔知係咪緣分安排左，我識左你，開始時我真係好開心，你會成日打俾我，接我放工，約我去街，但相處耐左!!你再冇咁對我了每當我諗返第次見面，我真係好想返到個時呀!!起碼你會搵下我，而家我真係咩都唔咁去諗去想，咩都唔想講，只係想心中有你的影子已足夠了，我唔再期望你日日係我面前出現，只希望你俾我的回憶唔會消失.........

我要檢舉
台長： ╰★大頭蝦慧慧★╮
人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文