很可悲的九月十四號...從來都未試過可以黑得咁盡......
從銅鑼灣搭車去香港仔, 點知上錯車, 好在都仲識路即刻落車, 不過已經要行多左4個很長的街口...
上到去人地公司, 例牌的我 - 用左十五分鐘快速傾完即閃......
等客lift足足等左個幾兩個字, 完全無郁過停係G/F, 自己唔知係唔係傻左, 居然真係走去行十八層樓梯落樓, 因為天氣好好, 一路行都ok, 覺得無咩問題, 仲可以望到海景, 點知落到三樓, 開始唔對路喇......
昏昏黃黃的燈光, 樓底亦開始變矮, 但因已經差不多到底, 無理由放棄, 死撐落去, 到最後一層, 突然有一隻飛蛾飛出黎跟住我, 我加快我的腳步終於見到光明喇, 點知飛蛾同時飛到門鎖既位置, 唯有輕輕的伸手拉開門把, 點知原來門是鎖死的迫於無奈唯有行番上去啦 (個一刻, 完全覺得飛蛾好似同緊我講, 你都係走唔甩架喇) 轉身番上去, 遂層樓入去望客lift, 但係發現全部都好似棄置左咁, 個心愈來愈驚, 同時電話亦都不能接通......
終於行到上四樓一廣告公司, 見到有人, 即刻入去問有冇其他出口, o個個女仔好好人咁帶左我去貨lift度等(途中要穿過佢地公司)佢返入去之前再叮囑我唔好諗住再行樓梯, 因為都係鎖死既...
幾經艱苦終於離開呢幢大廈去到巴士站等車啦...點知再一次上錯車...原本一出香港仔隧道就可以落車, 我竟然上左一架行山路既, 兜左南區一個圈以為會係銅鑼灣轉番出去, 點知轉完去勵德村又轉番上去天后廟道, 最後係炮台山下車, 唔想再有其他意外出現, 最後去左搭MTR返公司...
同一日, 有兩張訂單出現左問題, 已經好煩惱, 因為有部份是因為我拖延左回覆先會衰, 心情已經好低落, 再加上恐怖經歷, 再跌至最低點......
(其實, 有少少懷疑, 因為星期一下午收到舊同事送來的一個"新幹線"八達通套, 俾面佢, 我即刻拎黎用啦, 跟住就開始衰喇, 不論大小事情都衰到極點, 尋日忍不住, 終於掉低係屋企, 所有訂單問題即刻解決左, 唔通佢真係落左咒???)
文章定位：
