貓兒奇想 ※※※※※※※※※※ 在這裡有無限的空間、無限的自由，讓我寫下我的所思所想，沒有隱藏、沒有避諱… 讓你認識真正的我 ^.^ 喵~~~~ ※※※※※※※※※※

220愛的鼓勵 0訂閱站台

呢兩日感覺好似得一個人返工咁，不過我既EQ越黎越高。算吧，再過兩三星期那些人就會離開，三樓一些好同伴就會上四樓陪我工作。努力。

尋日朝刮起大風雨，未到九點被突如其來既一個大雷嚇醒，我即刻用被蓋著頭。那邊廂不夠三十秒我感覺到阿仔跳左上黎，我一打開被阿仔就即刻竄入黎，好似仲驚過我喎！！傻瓜！！不過好開心佢會即刻黎搵我~ ^0^

後來又望到窗外刮起一陣大風，一隻鷹正在飛。我忍唔住SMS問左你一個鷹跟強風既問題，你無笑我之餘仲好pro咁答左我個傻問題，謝謝你。

尋晚我發夢跟阿爸阿媽向以前既屋企食飯，一個超真實但完全無可能發生既事呈現眼前，那感覺有點怪。下星期會跟爸爸吃生日飯，爸爸話會叫埋哥哥，唔知佢會唔會去呢？又唔知你能否出席呢？

下星期一二又要講書...可唔可以唔講呀？ >.<
或者，有咩方法我可以令自己enjoy ICN呢個工作？試問如果唔enjoy又點會做得好？現在那感覺有點像困獸鬥。又或者要先令自己可以再提起勁專心做一件事，任何事。已經懶惰了好一段日子，那個我躲到那裡去？可唔可以唔好再浪費時間？

生命究竟是什麼？一個泥石流死傷無數，弱小的人總被欺淩....想幫亦感到束手無策。我算什麼？一年後、五年後、十年後的你、我、他又會在哪？在幹什麼？