貓兒奇想 ※※※※※※※※※※ 在這裡有無限的空間、無限的自由，讓我寫下我的所思所想，沒有隱藏、沒有避諱… 讓你認識真正的我 ^.^ 喵~~~~ ※※※※※※※※※※

220愛的鼓勵 0訂閱站台

假期又要過去喇...五日假期，我放假三天，你放假兩天，但你陪我足足廿四小時！

尋晚煎牛扒加意粉，還不錯呀，係咸左少少...買同煮都頗費神，我花了點時間想...怎可以待你放工黎既時候就有得食，但食物仍然熱的。可能你太餓了...九點才落班，結果湯、麵包、牛扒、意粉，你不消十五分鐘就吃完。哈~~都好，起碼知道唔難食。

今日睇左《歲月神偷》，唔係唔好睇，不過中間節奏略嫌慢了點。有哥哥真好，雖然會打交嘈交，不過有事既時候總會記住大家，而且....有哥哥錫真係好幸福。
原來『鞋』= 一步難、一步佳
戲中既金句，你常常都跟我說：做人...總要信

睇完戲就各自返屋企，感覺不太好，因為我還懷著看戲的心情，心裡戚戚然有點不舒服。你常常都說：做戲咋！ 我亦時常被說太入戲，不過我覺得如果睇戲唔入戲，我點可以明白戲中意思，點Get the Message？！如果睇完無feel無同感，這等於浪費了編劇導演的心血，看戲是、聽歌也是。

卓韻芝的書看了一半，內容比較主觀、少花巧。不知怎的，我感到作者有點憤世疾俗，有經歷不快、從黑洞中鑽出她的道理，人好像會有點極端，不過我亦看到她的真。『真』對人很重要，我不太認同你說過..其實人一出街就唔係自己。某程度呢句說話是對的，不過我希望盡可能我都保持原色的我（包括外表跟性情），唯有真正的我別人才可以將我閱讀、認識、相交、親近.......

謝謝你費神做的LED小燈和拿給我靚聲喇叭....那從心的，比什麼都緊要。