時間過得真係好快,成日話跳槽,眨下眼又係度呆左半年,尋日終於又收到CX既call,可能大家會覺得我好唔積極,成日得把口話跳槽,其實只係我個心真係好想再試多次Crew,所以一得閒我就同同事講下普通話,睇下英文報紙呀.....有時默默既耕耘唔一定要俾人地見到既...今個星期五真係要好俾心機先得!!
點解咁想做crew?都係果句啦,鍾意去旅行lor!
以前細個就已經係度諗,將來出黎做野,儲夠錢就去旅行,每年至少去一次,大不了咪返黎再搵工,不過呢d 想法當然係回歸前即係經濟仲好好果時諗架啦!
我同同事講完佢話我既想法都幾天真!係架!身邊既朋友成日覺得我諗野好天真,其實我知道當出黎做野,就會見到好多事情既真面目,人自自然然會複雜,咁自己做人仲咩仲要咁複雜呢?有時傻下傻下,身邊既人又開心,自己又開心喇!反正我又唔係真係低B,想樂天d咋嘛!
所以而家我都係做緊d自己鍾意做既野,我唔會去理人點睇,自己覺得開心就得啦!而且有人對我咁好,咁鍚我,都別無所求啦!
文章定位：
