期待已久既船河終於可以順利舉辦，因為搞左咁耐，最怕係唔夠人去唔夠好玩，不過大家都好有心，帶埋自己既朋友一齊去顛．．．
上星期去完Camp都未抖夠，一早，七點就要起身，好眼訓呢！出門口前，我掛住聽Jay既愛情懸崖同軌跡．．．．竟然唔記得出門口，我一向準時架嘛，不過Grace仲遲過我，因為佢去左投票，結果．．．阿成同Sindy冇等我地就入左去西貢買野飲先．．．
估唔到有咁多人都咁早到去幫手買野呀！！我地一行廿九人開開心心咁上左26599既船，我地決定去浪茄，但要成個鐘，不過大家換得衫黎介紹下都差唔多，到達時，真係諗返起好多回憶，不過由於同呢個主題唔match，所以唔講lu~
我地第一時間用包剪鎚分左三組，然後鬥快搶灘，我地係最強既剪組！我係最快爬到去沙灘既，男仔都冇我咁快．．．．因為我用浮床架嘛．．．不過我同Sindy既手臂同埋腰就勁攰，好似唔係自己咁．．．
跟住玩沙灘排球比賽，當我地feel到肚餓既時候，發覺得返一張浮床，而沙灘除左我同maggie，全部女仔都唔識游水，原來低B King同飛機正一早返左船度玩香蕉船同wakeboard,而家信同wimmy佢地又用浮床游左返去，搞到好耐船家先黎接我地，一上到船，因為太餓，咩都覺得好食．．．
然後唱K既唱K,游水既游水，撐艇既撐艇，玩香蕉船既玩香蕉船．．．我同Cathy，maggie 一齊玩香蕉船，因為佢兩個都驚，所以我地好勁咁冇俾人拋落水，不過見到benny阿成佢地好似跌落水好玩d,所以我地要求再玩一次．．．今次，我坐最前，但因為好滑，我好快就飛左落水，飛?係飛呀．．．我成個人向後飛，仲打個筋斗先落水架，勁型！不過得我一個跌lor...第二次就三個一齊跌～～之後又再返去沙灘打波，但我為左想游多d水，唔坐艇，自己游過去，真係腳都軟呀！輸左罰做掌上壓，救命啦，我同maggie都唔識做．．．得阿Jay做到咋.....
回程時，望住個海真係好靚呀，好想快d搵多d錢買架遊艇，咁咪可以成日去遊船河lor!!!
我兩個fds Jay同阿藍都玩得好開心，阿Jay好羨慕我地大學班fds竟然畢左業都仲可以咁人齊．．．梗係啦，我地Manu好團結架！！
跟住去左上海鋪食過晚飯後．．．馬仔好好人咁送埋我地返去．．．我呢個八婆仔當然要聽Grace同男友做咩灑花槍啦．．．其實都係情趣jer.....冇事既^^
返到去，仲可以睇埋大唐相龍傳後半part．．．太好了．．．吳卓羲唔駛死．．．
不過次次玩完都成身散晒．．．．．．
文章定位：
