24h購物| | PChome| 登入
2004-02-22 18:49:14| 人氣14| 回應0 | 上一篇 | 下一篇

告急

推薦 0 收藏 0 轉貼0 訂閱站台

每次崇拜中都見到有人感動而喊,今日見到佩蘭係度喊,唔知係咪為左佢爸爸既病.

家事佈告,玉蘭既哥病情告急,仲會有生命危險.佢仲講到喊.生命既短暫係好無耐,面對生離死別,永遠係最難過.係尼度真係求神比力量佢走過死陰既路.

尋日同健欣,詩慧同埋嘉樂去左展覽會.佢地話想做我既契仔,契女喎.....我咪同佢地講,做我既契仔,契女一定要讀大學喎....其實真係一路以尼都冇諗過會收契仔,契女,係可能我要求高.果個人一定要係真係全心全意咁付出對我既出關心(好似baby咁對我既關心),因為如果佢係我既契仔或者契女,我一定係會對佢好似我既仔女一樣咁愛錫.以前好天真架....靜文,豬豬曾幾何時,我都以為佢地真係可以成為我真正契仔,契女.但係現實令我無法呈強;我明白到果個只係我一相情願既諗法.能得到別人既認同係好難架.所以我諗係以後既日子都唔會有尼個人出現lu.

好多時自己都問自己一個問題,對人好係咪真係咁開心,相反地好多人又覺得理所當然.自己又好似唔多開心咁.唉........做人真難架.其實諗下雖然好多人都唔會欣賞,但係問心無愧.而神會知道就得啦........"過得自己,過得人"尼個道理好arm架.

聽日係baby第一日以大學生返學,佢話好緊張喎.....只係2個月,佢進步左咁多,我真係諗都冇諗到.雖然經濟上未必容許佢能夠完成尼4年既課程.但係我相信神會比我同fafa有咁既能力架.....唔係去到最後,我同fafa都唔會放棄幫baby完成佢人生中最重要既部分.........baby係神親手由邊緣間救佢出黎;尼一只迷失既小羊,經過神既磨鍊.我相信佢4年之後一定係我一生既驕傲........baby奸爸爹.!!!......我同fafa永遠都咁支持你架.


2004年2月22日

我要檢舉
台長： 小蜜蜂
人氣(14) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文