24h購物| | PChome| 登入
2016-02-16 03:14:10| 人氣993| 回應0 | 上一篇 | 下一篇

GOODBYE KOBE

推薦 1 收藏 0 轉貼0 訂閱站台



終於睇哂所有明星賽片，睇到流眼淚，太多片段在腦海裏流出來。

初中，同同學仔打籃球，他們告訴我有一件事叫NBA，同埋亞視有個節目叫《NBA地帶》（要數亞視貢獻一定要數依樣，仲有一樣就係你播《男兒當入樽》，多謝！），一開頭睇，雖然唔係識好多球員，但徐嘉樂、蔡錦豐（係呀，隔咗咁多年我仲好清晰咁講到渠哋個名呀，如果依家我知道渠哋仲有做體育節目主持，我一定睇）真係講得幾好，所以覺得都幾好睇，我要大叫「我今日真係學到好多嘢呀！」，之後就準時咁坐響電視機面前集集追。

第一季睇季後賽總決賽，就係ONEAL同KOBE嘅湖人對AI嘅費城。AI好勁，係咁攞分，好似無人mark到渠咁，好中意依個球員；跟手梗係見到ONEAL係咁壓住莫湯寶蒞攞分，仲有成個鮑魚擦頭嘅KOBE。心諗，嗰個8號仔都唔差喎，係個頭衰尐。

個故事發展就係，一直都咁中意AI同KOBE嘅打法，AI早收工，KOBE仲繼續堅持。KOBE依個球員，愈望愈靚仔，仲愈蒞愈勁喎！神呀！（數據同戰績唔使我響依度講）跟住就一直睇住渠打波，年年睇，一得閒就睇，咁就睇咗十幾年。NBA有太多勁球員同好球員（依度要講明，勁球員未必係好球員），好多球員我都好欣賞，但最中意嘅只有球神KOBE，渠鬥志好好，野心好大，不斷求進步，不斷堅持。KOBE係陪住我成長，陪住我大架！有時讀書、做嘢、生活唔開心，搵渠尐片睇吓，個人會開心少少，跟住有心情就會去射波或打波。

KOBE今季會退休，我哋球迷一早做好哂心理準備，都預咗係今季，到咗渠正式公布渠退休那刻，望住部電話，個腦係靜咗落蒞又好多感受，仲好記得嗰朝早係行緊返公司時睇到，對眼濕濕哋，個電話又係咁震同響，全部都係朋友話「KOBE退休」，嗰一刻又好似唔想接受咁，心情係複雜，個心係講咗一句：真係要走喇。

一直以蒞想寫一篇極長文蒞講KOBE，但一直都寫唔到，因為根本疏理唔到咁多嘢，唔係懶，真係疏理唔到，太多嘢喇。所以我今日睇哂尐片之後就想寫以上少少嘢，同埋講一句：「KOBE，你是一個時代，你是球神，無可代替。祝生活安好。小球迷上。」

我係永遠KOBE迷，因為KOBE，我愛上咗湖人，我都係永遠嘅湖人迷。近年成績係唔好，係有少少唔開心，但仲見到KOBE打緊波，覺得無所謂啦。KOBE走，希望湖人儘快重建成功，再有實力衝擊總冠軍。

今季應該會買好多KOBE嘢，依尐錢，我唔畀，我覺得對神唔住。

THANK YOU, Kobe Bryant!! goodbye
YOU ARE THE BEST!!!

圖片：http://theodysseyonline.com/butler/kobe-bryant/240553

我要檢舉
#KOBE BRYANT#GOODBYE#籃球#NBA
台長： 李亨鴻

您可能對以下文章有興趣

人氣(993) | 回應(0)| 推薦 (1)| 收藏 (0)| 轉寄
全站分類: 運動體育(各種運動、運動情報、球迷會)

我要回應
是 (本台目前設定為強制悄悄話)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文