心　．　零　　公　社 心 隨著時間而改變 零星的碎片 公開的秘密 社長的日誌

23愛的鼓勵 0訂閱站台

今晚如常收工揾佢

因為尋晚佢講嘅嘢

開心咗一日 但係一見到佢

傾咗陣計 我覺得我冇辦法再呃自己

都係撩佢講心事同氹吓佢咁

再追問之下發現佢到呢一刻個心

依然全部都係佢...仲諗緊點追返佢tim

咁我又可以點呢 可以好大方咁安慰佢

幫佢諗辦法鼓勵佢 但係佢從來都冇留意到我 有幾痛~

或者我太好人啦...俾咗機會佢 收返尋晚講嘅嘢

佢成晚都話唔會 只係我睇得出佢好茅盾 好亂

佢都講過唔知點做好 係咪因為我都好

唔想佢咁辛苦...佢唔知又諗到啲咩

傾傾吓又喺度喊 我好擔心 但係又做唔到啲乜

終於又坐到四五點囉 我最後忍痛

成功咁迫到佢話收返尋晚嗰句

我咁做 感覺同自殺冇分別

但係要我見到佢咁唔開心 我真係唔忍心

可以點......?我已經冇乜可以點

只係深呼吸一口氣 好冷靜咁走囉...

我都想個夢做耐啲

我哋尋日一齊 今日分手

我以後可以同自己講

我拍過拖 係同自己嘅最愛談咗一日戀愛~