日期：2005年1月21日(五)
今日原本要 interview 5份工0架....嘩!
不過....最後變0左只係interview 3份工作囉...!
一份 cancel 0左....一份可以 delay 到下星期一囉,haha !
夜晚就主打同『好好0既人』玩啦(佢有0的感冒仲出0黎,好好人)
零晨唔知道點解到0訓唔著囉.....成4:00pm 先0訓覺....哈哈...
(1)【Ketchum Newscan】
今日成10:20am先起床....
死喇,又遲到喇...約0左11:00am0係北角見工,一定去唔切啦...
呢份仲要係心水工作之一：Account Co-ordinator in a big PR firm !
點算好...最後我直接打電話俾0個個蘇小姐話改時間囉...改到12:00noon.
我以超高速咁換衫啦...不過都成11:00am先出到門口囉....
然後就出去搭307巴士到金鐘轉地鐵去北角落車喇....
嘩....等0個架307巴士等0左成15分鐘...
0係金鐘落車仲見到個『Laa人』呀,不過冇打招呼呀...
而且去到北角仲要行成300百米先抵達目的地囉...
攪到12:30pm先去到....(仲俾蘇小姐打電話0黎問我到唔到)...
不過....0個幢嘉華國際中心真係好靚0架....woowoo...
行到去...有個嬸嬸幫我0地拉門喇....
然後有個保安0係度指示我0地搭lift...
lift入面有音樂0架....都幾靚...
去到間PR公司 - 叫【Ketchum Newscan】-門口都已經好靚喇...
然後就同阿接待嬸嬸講話搵蘇小姐.....
佢就指示我0左去間Conference Room 喇....
連接待嬸嬸都咁 customer service 格調...哈哈...
嘩嘩嘩...間Conference Room簡直係靚到不得了....
好似電視成日影0個0的甲級寫字樓咁0架....
睇晒成個海景0架....掂死0左....
欣賞期間....蘇小姐就入0黎叫我填 application form ...
填完,交0左比佢之後...0個個Account Director 就入0黎喇...
嘩,好高大呀!!40幾歲,四眼,好大隻0架....都幾靚佬0架,果然係PR公司..!
跟住,又係傾傾傾囉...
佢用0的唔鹹唔淡0既中文0黎同我講0野...
我唔知道佢係外國回流返0黎定係中國內地人囉...
問0下我0的履歷....做過0的咩工呀....
講0下我而家apply0個份Account Co-ordinator做0的咩呀...
返工時間：(一至五)8:30-5:00pm and (六)8:30am-1:00pm,唔係平時返工0既時間...
嘩....佢講到一0的都唔好玩0架...好 clients servicing性質...
日日都要check 好多emails...然後就要覆番佢0地...
又要同其他部門聯絡....工作量勁勁勁多和好濕碎喎....
而且通常係一個人做0野....要好 independent 和 detail-mind...
同埋工作壓力係好大0架....
講完,一樣問我expected salary...和係唔係可以即時返工....
然後,佢就話：『咁樣,好啦...咁我就請您...(事隔2秒次後先講)...做個written test』
哈哈.....仲以為佢咁快就話請我添....等我仲開心0左2秒....
我就過0左去個同樣係落地玻璃+全海景0既房做written test囉...
經過0左有 Creative and Editorial 0的房...wowwoo....
而個Account Director就去食lunch lu...
因為0個陣已經成1:10pm喇...(不經不覺已經傾0左咁耐)....
佢話做完個written test就可以閃得囉....
或者可以同其他同事打聲招呼囉....
個written test有3條問題...
(1)用英文寫enquiry reply letter
(2)用中文寫點解轉工和申請而家份工0既原因
(3)Optional - 用英文寫complaint reply letter
我覺得好難0架,不過都硬著頭皮咁做晒去.....
都好呀....用0下我呢幾個月0係BU學0既英文...呵呵呵...
幾經辛苦...2:00pm完成....然後就走人喇....
(o依?!似乎得我一份Written test file save 0左0係電腦jar woh...哈哈)...
(2)Hetermedia Limited
原本我係見份 customer service officer 0架
不過時間太趕....而且好似好 sales 性質....
所以最後都係揀唔去做 interview lu....
(3) 【Rabbit Avenco Limited】
我以超高速行番去距離300米0既北角地鐵站....
然後趕去葵涌圳邊街見份Sales and Marketing executive...
期間,我打電話俾『好好0既人』傾計....
原來佢今朝都係寫英文emails呀...同我一樣呀!?
突然記得....原本我冇抄個公司地址出0黎呀!
好彩.....『好好0既人』用緊電腦,可以幫我搵jar...
『好好0既人』真係我0既幸運星...呀!
去到葵芳地鐵站...要搵小巴去呀...
問個小巴司機....佢話小巴冇去圳邊街....
佢叫我問巴士佬....巴士站長叫我坐31M就得喇...
不過個巴士佬好似唔係好識0既...
佢首先話可以0係藍田街落,猶豫0左陣...
就話其實個個站都行到去.....只不過條路係長定短0既分別....cher!
最後....我真係0係藍田街0個個站落...
問0下0的路人...和鋪頭0既員工.....
個個都好nice...唔識0既就好有禮貌咁話：『可以問0下其他人呀』..
識0既就好清晰指示出點樣去....嘩,原來好遠0架...!
行呀行...依然搵唔到條圳邊街.....期間仲出現0左同我搵同一條街0既女人..
佢同我一齊行....不過行行0下,佢頂唔順....就停低0左打電話....
我就自己繼續行....YEAH!貴人終於0黎喇....
我問個四眼長髮女途人點去.....佢仲帶埋我去添呀....woowoo!
差不多行到去....
呢個四眼女途人問我：『您係唔係去見工呀?』
我就話：『係呀。』
佢繼續：『咁您有冇打電話問佢點樣去佢0地間office呀?』
我答：『冇喎...我其實睇0左地圖0架喇,不過依然搵唔到啦。』
佢就話：『好呀,千期唔好打電話去,如果唔係個 impression 就會打0左折扣呀。』
然後.....佢仲好仔細咁指埋我點去先至走囉......! Yeah Yeah !!
=======================================================
我真係好好運0架!路途上有好多人幫我...而且仲點醒我添!!
=======================================================
去到0個條圳邊街....搵到0個座萬通大廈...
就上去間公司 - 叫【Rabbit Avenco Limited】...
=========================================
【Rabbit Avenco Limited】
係間新公司0黎0既...規模細細...得幾個職員...
好多0野都未出版....
0的 vending machine 都未送到0黎香港..
賣0既係0的女性衛生用品
==========================================
去到....0個個陳先生Timothy Chan就0黎見我喇.....
尋日聽佢把聲以為係個後生仔...
點知!?係個40幾歲0既男人囉.....
然後又係傾傾傾.....
不過佢傾得好 details 囉....
連 resume 都逐個 point睇...逐個 point講/改...
勁問勁問勁問....連住0係邊度都有問埋....
仲叫我用英文和國語佢同講0野添.....嘻嘻,我講得好差呀...
佢話佢0地因為同外國人做生意....
成日要開OT....所以未必可以放我夜晚去讀書喎.....
所以Full-time job 未必0岩我喎....
不過,就可以可以請我做 FREELANCE COPYWRITER 囉....
Yeah Yeah...我想做0左好耐0架喇....
佢比0左張卡片我,叫我用emails send 0的稿佢睇呀....
send 完之後打電話俾佢喎....
佢好攪笑問我幾點可以打電話俾我喎!?
因為,上次佢10:00am打0黎我仲0訓緊覺囉....咁都被發現?!呵呵...
見完我就走lu...仲問埋佢點出番去葵芳地鐵站添...
佢唔知道....就問個女同事(個樣好細個0架)...搭番31M巴士就得喇...
(4)明日機構
出到去,又以超高速行去搭巴士....
幸好...4:35pm 已經抵達荔景.....
去番尋日去0個間【明日機構】到做 interview 喇....
個 Post 係 Project Officer ....
其實0的工作都幾難...........
去到...個 waiting room 得我同另一個男仔...
我無聊冇0野做就同佢傾0下計....
佢都係讀 cityu 0架,讀 BBA - information system..Fresh graduate..
佢話佢做過Marketing呀....不過間公司勁細....得佢同佢老闆...
做0左陣,間公司冇生意,冇0野好做,
最後11月佢就被炒0左lu...哈哈....
佢話佢打算2月先再搵工喎.....0個陣多工0的0的....
而家搵工係為0左應酬阿媽囉....哈哈,佢應該年紀好細囉....
傾0左陣...佢就入房 interview lu...
我冇0野做.....
就打算打電話俾原本約0左5:00pm去interview0個公司度【AsiaPac Net Media Limited】...
試0下改interview時間囉....
點知?!我拎起個電話0既時候,
0個間公司0既同事就打電話0黎問我係唔係0黎緊....
我話：『我咁0岩想打電話俾您....同您講可唔可以改時間呀...!..』
(呢句野好似好假....但事實上係一句好真0既說話...
原來有時候,一0的聽落去好假0既0野原來係真0架....)
佢問0下我0的會考英文成績係點...同埋住0係邊...
然後,就安排到下星期一2:00pm先再見工喇.... YEAH YEAH !
大埔科學園.....i am waiting for you ! 呵呵呵....!!
等多陣....就入去房 interview 喇....
2個人....
一個係個Project Manager:鄭先生....
一個係董事局成員:黃女仕....(點解唔係梁文道0架?!)
然後, interview 就開始喇...都係問咁上下0既0野啦...
最後,佢問我：『如果0係一間細公司度做0野,您估0下有0的咩困難呢!?』
呢條問題佢問0左我2次囉.....
佢0地仲問0左我有冇受過 formal design training...
我好誠實咁話冇喎....因為報過好多次都唔收囉...哈哈...咁誠實,有0的白痴...
然後,佢0地話如有消息,1月尾會通知我....
跟住我就閃喇...............! Yeah Yeah !!!
(5) AsiaPac Net Media Limited
(上文已經提及會改時間嘛...)
Yeah!離開0左明日機構之後,
就急不及待咁打電話俾『好好0既人』喇...
就約0左佢0係旺角地鐵站恆生銀行等....
佢又好無聊咁0係我身邊無聲無色地出現...哈哈,好開心呀...]
然後就同去『好好0既人』拎支票囉....
跟住,我0地就行去奧海城買『恐懼鬥室』戲票先....
睇8:30pm....我0地就行番去旺角0個邊食 dinner 呀...
嘻嘻....我0地去0左0個陣做海洋公園時食 dinner0既地方食0野...
好好味0架,我食魚皮餃河,『好好0既人』就食魚蛋粉...
仲加0左碟菜心+凍少冰檸檬茶(我飲0既,因為『好好0既人』仲病緊)...
期間,有份工【EL2001 陳小姐】打0黎話同我傾0下0的0野先,
不過我話因為我食緊0野唔方便傾...
佢留0左電話俾我叫我10:00pm 前覆佢......
食完,就去埋單啦,發現張單寫$28囉....
最後....佢0地真係收我0地$28囉....
哈哈....我0個碗麵變0左免費呀....
然後,我0地就行番去奧海城喇...
襯行呢段路0既時間就打番電話比呢個【EL2001】
傾0下0的學歷和工作情況呀....
仲傾好唔會好似0係ad講咁樣要make appointments and cold calls e.t.c.
而係集中 marketing and office administration 0個方面0既工作囉....
好.....聽日要去 interview 囉,11:30am....0係荃灣見!!
『恐懼鬥室Saw』(www.sawmovie.com)...都幾好睇呀....有少少恐怖囉...
不過0的內容都okay....主題帶出珍惜生命和所擁有的...唔錯唔錯...
嘻嘻....唔見0左0的票尾添...下次冇得當$10用lu...
我0地仲去埋買埋『章魚小丸子』和『$5珍珠奶茶』呀....
之後....我0地去0左旺角中心行...
見到個花花啡色袋...不過冇即刻買,因為要睇多幾間鋪頭先....
不過,最後行番去間鋪頭諗住買0個陣,鋪頭已經 closed 0左lu...
次次都係咁0既....ohoh....
仲見到件眼睛長身衫0架,幾靚,不過最後都係冇買到囉....哈哈...
跟住,我0地就去搭72x 巴士喇....
送0左我番屋企之後,『好好0既人』仲趕得切搭火車番屋企呀....Yeah Yeah!
我番到屋企....上0下網....
搵0下聽日見工0既公司資料和地圖......
同埋『好好0既人』傾計....4:00am就0訓lu..
而『好好0既人』就打遊戲機打到3:30am0訓囉...
===========================================
突然....醒起可以支票........
同埋申請海關囉...努力加上公務員行列....
仲有...見到招職,香港迪士尼又開始請人喇....
我只可以做到 Team assistant jar...
Anyway...我一定會去 apply 0架.....
==========================================
『阿邊個』..
今日叫我叫埋『好好0既人』出0黎食0野喎....
唔係嘛?!哈哈....
==========================================
文章定位：
