潘師奶@聖荷西 我在聖荷西攪攪震，無幫襯。

1,202愛的鼓勵 0訂閱站台

我覺得我做師奶呢個工作做得十分之稱職，不但持家有道，並秉持著審慎理財的原則，將 3306 打理得井井有條。

話說無幾耐之前，我家中個易潔 wok (如上圖) 被我用到「爛」晒 (好明顯係唔識用而整到層 coating 甩晒)。呢隻 wok 係有永久保用的，但係唔包人為的破壞。菇子當然又係怕麻煩，已經話要買過隻 wok，但係我心有不甘，建議將隻 wok 拎返去鋪頭到換過隻。菇子就話算數啦，買過啦，但係我堅持！！！終於阿菇都不敵我o既堅持，同我一齊將隻 wok 送返去鋪頭o個樹，並靜心等待保養部給我們的消息。等了三個星期，仍然係無消息。

某天，阿菇返工後就打俾我︰「喂喂，隻 wok 寄左黎啦！仲要係新o架！！！連個蓋都係新o架！成隻 wok 都係全新o架！！！」(註︰鋪頭話蓋係唔保養的，著我地自己保留個 wok 蓋，點知而家送埋個新 wok 蓋過黎。話時話，我地隻舊 wok 蓋都好爛下。)

see ... 都話聽老婆話就有著數 ... 傻小子，又幫你慳返成百銀！！！唔使俾錢買過隻新 wok！！！！

so proud to be a 師奶！& so proud to be a 審慎理財、量入為出、持家有道的師奶！！！

and

仲有一件十分 proud 的事，就是我在  Advanced Civil Litigation 的考試中，成為全班至高分 & 全班唯一一個拎 100 分以上的學生！哈哈哈哈！um ... 我得分係 106 分, 即使第二名同學有 99 分，我亦遠遠拋離該同學 7 分之多！& 老師兩次在班上讚我 you did very good！！！哈哈哈哈 ...  so so so so so 鬆毛鬆翼 ...