無愁無慮似天使 天天帶著笑 人人朝著那方向 心中帶著笑 浮浮沉沉天空裡 熱烈地呼叫 興奮熱情 嘻嘻哈開心到不得了

95愛的鼓勵 1訂閱站台

其實仲有第四個故事.

最近我做左好多唔應該做既事:
鍾意左一個唔應該鍾意既人,
等一個唔應該等既所謂機會,
晒左一D 唔應該晒既時間,
諗埋一D 唔應該諗既野,
去左一D 唔應該去既地方,
食左一D 唔應該食既野,
番左一個唔應該番既屋企,
同埋上過一張唔應該上既床.

然後大家做左好多唔應該做既事,
之後, 大家都覺得唔應該繼續咁落去
唔知自己想點, 剩係知道自己唔想點.
例如唔想俾其他人知道我同佢之間既事,
唔想大家走黎走去唔知為乜,
唔想你搵我, 我搵你,
唔想唔誠實啦, 唔坦白, 唔見得光,
唔想有秘密,
亦都唔係好想知道大家有幾鍾意大家,
總之高興就得喇.

我唔想太認真啦,
但係又唔想玩玩下,
我都唔係好想知道一D 我唔想知道既事,
其實我同佢, 應該係見少D 好.

唔應該鍾意,
唔應該傷害.
唔應該發生既,
唔應該開始,
唔應該結束.
我知, 我唔應該再搵佢,
但係我又好想知道,
佢會唔會因為我而唔開心?
每逢我一個人既時候, 我就係度諗,
到底, 我自己應該想點?

最近我好鍾意一個人, 自己一個人.
一個人四圍去,
一個人開工, 一個人收工,
一個人去食飯, 一個人去飲o野,
一個人匿埋在屋企亂禁個遙控.
夜晚一個人上網, 有時一個人跑步, 一個人打機,
一個人去做Gym, 一個人去卡拉OK, 一個人睇戲,
間唔中一個人砌下模型.
星期六晚, 一個人去party,
跟住一個人聽歌, 一個人跳舞, 一個人流汗, 一個人離開,
一個人上車, 跟住一個人返屋企,
一個人開心唔開心大笑大叫...
連續好多日都一個人.

一個人有個好處, 就係唔洗有任何責任.
唔洗有禁多包袱, 每日24 小時, 都係屬於自己.
個世界幾時開始, 幾時停, 完全係由我一個人話事,
我鍾意去邊就去邊, 做咩就做咩,
諗咩就諗咩, 我鍾意點就點,
總之我鍾意就得.
我鍾意一個人.

其實我唔係好肯定,
我係鍾意一個人,
定係鍾意兩個人?
有件事, 我一路都諗唔清楚,
就係到底我同佢一齊開心D丫,
定係我自己一個人開心D?
呢個問題, 似乎一個人係搵唔到答案...

最近我時時都係一個人,
得番一個人.
無無聊聊一個人啦,
行行企企又一個人,
開心唔開心都係一個人,
自己, 一個人,
諗起兩個人既畫面...

我地一齊食飯, 一齊行街,
一齊番屋企, 一齊生活,
用同一條毛巾,
用同一隻水杯飲同一啖水,
上同一張床,
一齊開心, 一齊開始, 一齊停.
跟住, 又一齊去食飯,
一齊行街, 一齊過馬路,
一齊停低, 一齊番屋企,
用同一個洗手間,
上番同一張床, 做番同樣既動作,
一齊無無聊聊又一個下晝,
跟住一齊睇VCD,
一齊恰埋眼, 一齊諗下將來,
一齊傾計.
一齊諗下之前發生咩事,
一齊諗下之後又發生咩事.

到底應唔應該一個人, 定係兩個人好D?
一個人開心D, 定係兩個人開心D?
一個人, 兩個人. -

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

貴重財物要好秘密 你就藏在我身
用電話繩箍到頸背敏感
你年年日日 繼續留下我指紋

你別移動你好大塵 快用肥皂擦身
就像頸鍊乖乖跟我貼緊
我們明明蜜運 宇宙唯獨我二人

給你精細的血管 給你精美的五官
不等於你需要公開搞試用
給你一柄手槍 不要給你子彈
它會跟你纏綿地溝通
給你一對手 不等於要擁啊擁
不要擁抱擁到歇斯底里 做到人人樂用
這是承諾你懂不懂

為何拿甜言蜜語印証你嘴巴有用
別以為長期陪著我會廢掉嘴角武功
為何拿眉頭額角印証你美色有用
記住潛龍勿用 這樣玄妙你懂不懂

你像財物要守秘密 你就藏在我心
用甚麼雙手雙腳找你新生
然後行人 就勿近 以後寧願你不是人

給你精細的血管 給你精美的五官
偏要給你給你一顆心躍動
給你一柄手槍 給你一發子彈
不等於要放進誰的胸
給你一對手 偏要給你擁啊擁
所以抵你抵你歇斯底里 誓要人人樂用
有用無用你懂不懂