一年一度既送舊又黎lu，為左表達我對佢既重視，我決定以五日既蘋果餐作見面禮。加上呢幾日既功課量，如果再瘦唔到落黎，睇黎我以後都唔使再減肥啦。今日已經踏入第二日，但係好驚冇辦法繼續撐落去呀，唔係因為冇恆心，而係Ｄ蘋果好似就黎畀我買到冇哂咁，剩返o個Ｄ咁貴，叫人點買得落手喎。
都唔明架，明明台灣出咁多水果，自己本土仲可以買得咁貴。以前瘋狂咁外銷，將Ｄ食物運黎運去，為左賺錢而浪費咁多社會資源，自己Ｄ國民又食唔到；而家又話要搞本土特色，將Ｄ特產留返原產地，其他縣市既人想食的話，就要走到遠一遠，仲買到貴一貴，一樣食唔到。真係奇怪～
好啦，唔講到咁遠，今年送舊地點係河景大飯店。點解po個地圖出黎？唔係因為我唔識路，只係我幾滿意自己畫既呢張BBS地圖，打左咁耐B，總算有Ｄ功力呀，haha～
不過，連續兩日送舊，真係好恐佈呀，有冇好心人可以話我知，邊度有又平又好食既蘋果呀？
PS. 而家唔止驚肥，聽日Ｄ要交既15頁功課，寫得兩頁，真係冇鬼用架。有冇人再做下好心，今晚一個鐘頭call我一次就好啦。（應該係呢兩晚都要至岩＞＜）
文章定位：
