2003/05/19
今日對於我來說, 算是一個大日子, 準備左好耐既實習報告, 今日終於到我present啦. 雖然簡報完之後仲有好多零零碎碎既作業, 不過, 我覺得呢份作業真係好有象徵意義架, 好似大學四年就為左等呢份功課, 模型做完、報告做完, 感覺上自己已經可以畢業, 佢就正如畢業禮一樣咁有意義. 換句話講, if sth didnt happen, it didnt like that u hv guaduated.
本來好想用多D時間黎練習架, 點知同一日竟然仲有另外兩份報告要交, 結果, 朝早先寫完份2000字既校外實習報告, 另一份15 pages既報告, 梗係凍過水啦, 於是我好恨心咁唔做份報告, 即刻準備present既講稿, 因為呢個係一年以黎既心血呀, 而且D先生係一定唔睇報告書既, 簡報一定要做好好睇睇. 加上除左三個教授之外, 仲有三個業界學長黎評, 唔衰得架.
Present十二點就開始, 點知我被排到最後一組, 一等就等六點, 好似等緊畀人判死刑咁, 後黎仲有班崑山大學既學生黎聽, 緊張死我啦. 好彩好彩, pre完之後, 學長覺得我地做得幾好(唔知係咪太夜, 趕完走, 哈!), 所以幾個先生都笑笑口, 好似幾滿意. hee....都不枉我今日悉心打扮同練習練到喉嚨痛. haa...好開心呀. 仲有夜晚派返黎份功課, 咁高分, 真係嚇我一跳...haa...what a happy day it is!
好啦, 做埋剩返呢幾份期末功課, 就可以收工啦. Yes! 加油!!
文章定位: