話左尋晚揭曉既好消息，由於考試同返左工，而且又睇左好好笑既電影之後，太[支力]就訓左。但係呢個消息就在太令人振奮，所以今日始終要講下。
我所指既振奮，唔係話玩完之後好high，而係有精神一振，充滿動力o個種。點解？雖然星期五巴西贏波，但係係意料中事，所以唔係。考試考得好？相反，一個星期六科，全部都係得期末考既科目，即係一次考一學期，呢兩日仲四科，都唔知自己溫左Ｄ乜，考試寫到手起哂枕，不過係完全唔識既狀態下作野，過左尋日都可以話鬆一口氣，雖然下星期仲有，不過，對我黎講都算係解脫。但係，開心既都唔係呢樣。
好啦好啦，開估啦～我搵到暑假實習啦，地點係台南既一間工程顧問公司。雖然舊年已經o係都發局實習過，不過就快畢業啦，都係o羅多Ｄ經驗好。本來打算去台啦，但係因為冇地方住，放棄左一個好機會，真係超心痛呀，所以雖然今次屬無酬性質、圖書館份partime又唔返得、仲朝八晚五(E，缺點越黎越多ge :p)，但係係自己努力爭取先有既機會，同埋呢間公司主要係做都市土地開發，比台中既非都市土地開發更理想，所以好好開心呀。
見呢個夏天咁充實（仲要去學車嘛），咁...就改下版既introduction，叫...「活力充足迎夏日」。hee...會唔會有Ｄ leung呢？：Ｐ haa...不過可愛既夏天終於黎啦～
PS.今次搵到實習，真係多謝哂王伯(教授黎架)、助教、顧問公司既僑生學長，最重要係鼓勵我去爭取機會的～你，我會努力架啦。^^
文章定位：
