以下係同中史梁Sir既一段icq對話︰
梁Sir,
有些東西想請教你啊！
我現在要讀的一科「漢字學」，需要我們就一個字查數本字典，如《說文解字》，請問除了這本，還有哪些可供參考呢？
另外，「詞匯及修辭學」方面，則要求我們就一位作家的一篇散文分析他們詞匯及修辭方面的技巧，而可選擇的作家有︰小思、董橋、陶傑、余光中、余秋雨、錢鍾書及張曉風。請問那一位會比較好呢？我幾乎沒怎樣讀過他們的作品，又不知有甚麼名篇，實在不知如何入手，老師可給我一點意見嗎？
謝謝你！
文琪
~~~~~~~~~~~~~~~~~~~~~~~~~~~~~~~~~~~~~
王同學好:
漢字學問題，可多查"辭海""辭淵"之類；舊一點的"康熙"亦要，"古文詞類纂"和"爾雅"都可查看！
作家方面，小思最易讀，但做的同學相信亦會最多。董橋和錢鍾書最難，但愚認為有最多發揮，陶傑的易找到，余光中最有詩意，余秋雨歷史感強，張曉風不太了解其散文。可考慮寫董橋的，書易找到，可選些不太深的！
保一中史梁Sir
~~~~~~~~~~~~~~~~~~~~~~~~~~~~~~~~~~~~~~~
梁Sir真係好犀利呀！識咁多野。
輕而易舉就舉出幾本參考書，又可以講出每位作家散文既不同風格。
我雖然未必會跟佢既提議去做，但至少都有個大概方向，知道可以點入手，點揀作品。
作為準教師，梁Sir可以話係我既模範呀！
對於我呢個中史白癡而言，要我喜歡中史？可謂不可能呀！
想叫我溫習之餘又不感討厭？更加難……
我中史成績一向差，中一那年，尚可勉強應付。
到中二，俾Miss司徒教，我知自己唔叻，已經俾左好多心機溫，點知都係讀極都唔合格。最慘既係，成績表上，Miss寫左一個令我刻骨銘心既評語︰"too lazy"。有人話女人好記仇，唔好得罪，否則會記足一世……我相信喇！因為我就係。就憑佢呢個"too lazy"，我開始討厭佢，討厭起中史。既然付出與收穫不成正比，別人又不認同你的努力，不讀也罷！
不過自從俾梁Sir教，我既想法開始改變。
梁Sir對所有學生都好好。因應學生能力有不同要求，亦即係「因材施教」喇！
我記得當時我同阿影既成績好極端，佢次次都頭一兩名，我就……
不過梁Sir冇好似其他老師咁只係鍚叻既學生喎。
當時，佢好有心咁叫左我同幾個成績都較差，但又肯讀書既同學留低補課(仲有得救？)。幫我地溫書、測驗。唔識？佢唔鬧，反而會話"唔緊要，改番岩就得啦！"
到考試測驗，我覺得自己既成績依然唔係咁好，好似讀極都冇乜起息咁，好灰……。但梁Sir好識鼓勵學生，佢每次除左送禮物俾成績好既幾位，就連進步得多既都有。我自問一向同呢d禮物「絕緣」架嘛，估唔到今次竟然……呢份唔係物質上既禮物，而係心靈上既支持。佢令我知道原本我既付出係有回報、有人知架！雖然分數都係低，但原來已經進步左好多。仲終於合格到添！好開心~~
中五repeat，又俾番MissXX教，同樣都係會考中史既notes，但相較之下，差好遠……梁Sir既好好多。結果我都係用梁Sir既notes。梁Sir雖然冇教我，但平時都關心下我讀成點。個年轉左sysll，都好驚架。但阿Sir影左好多reference俾我，又俾exercise我做，做完就搵佢改。到會考，我仲同自己講，我要為阿Sir而考好中史。結果，真係升到grade。唔單只我既努力有回報，就連阿Sir付出既心血都冇白費。
我相信︰人可以為另一個人而改變
更相信︰教師係一份「以生命影響生命」的行業
好老師難求，但願我將來也能像梁Sir一樣，當一位好老師吧！
文章定位：
