24h購物| | PChome| 登入
2004-02-25 16:54:06| 人氣79| 回應0 | 上一篇 | 下一篇

齊齊整整。。

推薦 0 收藏 0 轉貼0 訂閱站台


老爸老媽今天來個海馬公園一天遊，趁阿妹又在港島區上班，而細佬又會同女友過海拍拖行街，於是我提議一家人到鵝頸橋附近食晚飯。

阿媽平日節衣縮食，貴一點的衣褲鞋襪手袋都不捨得花錢買。。刻薄自己唔刻薄家人，常對我講佢不用返工，所以慳得就慳。。不過家中的果汁汽水雪條各式零食卻從不缺貨。就連蛋蛋大王也住得肥肥白白，未曾缺糧。

那天聽到她一邊看電視講好耐未食過「糖醋麵」，於是咪攪一攪飯局囉。好吃的，我們三姊弟都常有機會和同事，朋友一齊去食去試。反而一家人出街去食飯，讓老媽試試不同菜餚，這幾年竟寥寥無幾。。細佬好多菜餚都唔食，偏食得離譜；阿妹好忙，有時一個星期都見不到一次；而我自細就怕同屋企人一同上街。。總言之各有原因，各有藉口啦。。

飯日日都要食，但我們這五口家，卻很少齊人一起食飯。出街食，更有點天方夜譚。。自蛋蛋大王入住我家六年，我們一家好像鮮有「一家人」一起出過街食晚飯。。屈指可數吧！所以，聽說阿妹因為這件事，充滿疑竇，以為有人有什麼事宣佈。。哪在什麼宣佈呢？

怪哉！

這夜，有阿爸、阿媽、阿妹、阿妹男友、細佬、細佬女友，加埋我，竟有七個人食飯喎。真係難得。。

因為時間關係，我一坐低就拍板點菜。。點了潮式鵝片和豬耳、香酥芋茸鴨、鼓椒炒蟶子、油浸蜆、雲腿潮菜煲、凍蟹、糖醋麵、潮式炒麵線、豬肚湯、蠔仔烙。。。大家一邊聊，一邊夾手夾口，一個小時多就清哂桌上的食物了。

加個香口的芋頭西米糖水，真係飽到上心口。。

一家人齊齊整整，開開心心食一餐飯，其實是一種福氣。阿媽還事先吩咐定我們記得帶相機到酒家裡拍照留念。〔忍不住還要講句『勁娘呀！』〕

既然是我撩食飯，當然係我埋單啦！花費一下也值得，至緊要大家開心嘛。不過，後來老媽坦言為我一個畀哂條數感到肉赤。


算啦！偶一為之咋我。


我要檢舉
台長： 桔桔
人氣(79) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文