想寫好耐喇！就是因為「懶」才拖到今天，你留意下我的貼圖，我大概提過我份保險有人聯絡我，約我出來傾傾的事，請各位睇睇喇，睇下我有無睇錯，明明就是寫「更改」，那約我出來傾傾的consultant有兩個人（一男一女），說甚麼加多一個人serve我喎…難道我真的是傻瓜嗎？，聽佢地講o野，似足電視提醒市民小心騙徒的宣傳片中的男女主角一唱一和的做大戲咁，仲有，那份文件的其他地方是空白的，佢o地已經一路遊說我加錢改plan買基金喎，嘩，如果我簽o左，你o地咪可以任意加o野改o野都得啦…我都可以唔駛知道啦？！所以我沒有簽下那份文件。OiMee，順帶唔放心咁提提妳，我唔係想特別提妳的名字出來，但真的請妳小心，如果有一天真係遇到好似我咁，有人俾份o野你簽，請妳睇清楚，仲有，唔一定要簽或即時簽的，可以帶走問問人再簽都得架，唔好傻呀！
講番那份文件，係4月30日見面睇的，咁我問過幾個朋友仔的意見，終於拖到早兩天打電話去保險公司的熱線度問我咁的情況（很難打哩，因為要office hour，又要星期一至五），我返緊工都忙架嘛，問過了，原來我張單係有人跟緊，可以唔簽名唔轉人都得的，哼，那兩個consultant真不老實，我唔會再信佢o地架喇！
唔開心事仲有一o的，公司哩排忙到d老細亂咁發顛，搞到我都發埋顛，佢o地有時真係好無理的，當你係千手千眼，仲係有得開turbo的機器，本來真係嬲到連一早約好o左昨晚去游水都差d唔想去呀，又驚去到我會煩倒的朋友，因為上次我又係心情唔好，又係咁o岩約o左佢o地，終於我黑住面咁去，搞到佢o地幾無癮呀…其實老細發顛係時有發生的，今次我都發埋顛係仲有原因的。昨天下午，二哥同我msn，問我有無打算結婚生仔，佢話，直接d老土d咁講，話我係時候結婚生仔喎，我就同佢講，香港的人、文化跟你們的不同，我話我和幾個朋友仔都係，有邊個唔想有個伴，我話就係未遇到那個「他」，我話我o地係要遇到才會結婚，遇唔到的要單身的人也大有人在，我不會為結婚而結婚，仲有，我表明，如果有機會結婚，我都唔會要小朋友的，我已經湊夠了，跟住佢就同我講，仲有一件關於我的事想同我講，又問我介唔介意同我講，咁我就話你講啦，咁佢又話都係唔好在msn講，怕講得唔清楚驚我誤會，我心想︰「咁就請你唔好提出啦…提出又唔講」要我估估下，但我基於不喜歡勉強人的性格就話︰「咁好啦…有機會才講啦！」去完結對話，我其實好唔開心的，一家人做乜要咁樣呢？客客氣氣、吞吞吐吐、欲言又止、搞到好似好不和咁，我好唔鍾意哩種感覺呢…唔講得就唔好提出啦，我都有好奇心的，對我不滿咪講出o黎囉！
後記︰估唔到廿一世紀仲有d咁封建o既思想，討厭、非常討厭，我唔會俾哩d想法綁住我o架，我會死o架，我要走，我一定要去流浪，次子，你一定要成行呀…唔係我會好慘o架。>_<
文章定位：
人氣(105) | 回應(1)| 推薦 (
0)| 收藏 (
0)|
轉寄
全站分類:
不分類
