o係街角， 有一支賣男孩既火柴，佢今日好煩，因為o係佢手中呢個男孩...賣極都賣唔去，應該話， 好多人買左呢個男孩返屋企，但每家人最終都係退貨...
退返呢個男孩既原因家家人都唔一樣
(唔係話唔夾，就話呢個男孩唔成熟，有o的就話冇時間精神去照顧呢段關係....)
(你可以毫無原因咁愛上，又或者想擁有一o的野)
(但到你唔想要呢o的野既時候，你總有你既原因....)
冇人會特登變心架，佢鐘意你既時候係真心鐘意你，同樣地，佢唔鐘意你果陣，都係真心唔鐘意你.... 關於呢個小道理，呢個被退貸多次男孩，終於明白...
男孩問火柴：每次我都係真心對待接我返屋企既人，點解到最後都係得返我自己一個既？
火柴話：我可以讓你明白，但當你明白既時候，你就會失去我....
(火柴將自己劃著，呢一刻既光，令男孩見到自己身上著住第一家人比佢既衫，第二家人比佢既鞋)
(佢終於明白，雖然佢地都退貸，但冇佢地，就冇可能有組成今日溫暖既自己...)
火柴好快就燒著啦，光輝只係唯持左一陣，不過真係好靚.....
火花雖然短，但燦爛可以映逸o係我腦海入面....
男孩終於明白，可惜佢已經失去火柴呢個朋友.....
文章定位：
