彷彿一直都沒有時間打理這個新聞台，是時候回來照顧一下它了。
這個寒假除了例牌式會見各個舊同學外，額外加插了澳大圖書館義務工作十天。短短十天裡，的確學到不少東西，總算可以結合一下課堂上學到的理論在實際工作中是怎樣應用的，雖然間歇性被媽媽勸喻不要再返工，假期就應該休息一下，但我一直都做得十分開心，我地個阿頭又好人，又有師姐係度，得閒吹下水，不過佢就唔得掂呢，久不久有事冇事都sms過黎，雖則幾過癮，同佢又多野講，但工作時都係專心d好。
不得不提我地個阿頭，一米五六左右，中等身型，大大框黑眼鏡，年齡介乎三十八至四十二，月薪約為$2x,xxx，未婚，完美主義，勤儉男人一名，凡事都用到盡，用過ge bar code條都拆番落黎叫我留番貼係第二本書，不過就唔夠我環保喇，眼見佢開住晒d冇人用ge電腦，簡直係度浪費電力。最搞笑兼有少少得人驚就係有次無端端走埋黎問我食朱古力唔怕肥吧，我都未答佢，佢就拿拿聲掟舊三角朱古力俾我，又拿拿聲轉身走人，哇!當堂嚇親，d動作簡直似足一位含羞少女拿著愛心禮物戰戰兢兢地走來我身邊表白心意一樣~~XD 及後俾師姐串我既然人家咁有誠意，你考慮下la...=.=
總括來說，佢都教識我好多野ge，起碼俾我知道一本書剛入圖書館到排上架供讀者使用之間原來有很多事情要做，又知道一些只有行內人才發現ge書本秘密~~^^試過收到讀者要求某一本書時，但因為這本書未整理好，結果要係編目室半有序地找這本書出來加快處理，總算體驗到教材上所提到的圖書館的宗旨---一切以用戶為上(因為搵書ge人係我...=.=)。又見佢收一位比他年輕十幾歲的女同事的利是時，有點替他心酸，祝他早日搵到他的另一半啦~暑假我又繼續這份愉快的工作喇~~
後記：初來報到，自己在工作上的上手程度也不是太熟練，亦感覺到別人對你所做的工作還未得到充分肯定、放心，所以要不斷的告訴自己我要做出一點成績出來，證明自己是做到野，所以起初我編一本書目時都費了不少時間，一字一標點看清楚有沒有做錯，交給我的工作量也不是很多，不過隨著時間的積累，現在總算掌握了一些基本工作了，起碼得到別人的認同先。
原來要跟人說我不幹了這句話也要拿出一點勇氣，可能因為一直受到別人的關照，現在要親口跟他說不做了，感覺始終有點不好意思，真係唔明跳槽個d人係點樣做得到...
文章定位：
