上星期3 開始一連做3 日導遊，開頭都會覺得幾開心，因為可以帶個friend 去好多自己認為好有香港特色o既地方，係佢參加旅行團唔會去o既地方，不過可能呢d o野只係我一廂情願，佢 (同佢mum) 只係想買d 平o野，女人街、旺角花園街、波鞋街，可能遊客區先至配合遊客o既口味，我絕少o係女人街買o野，行就會o既，所以"講價"o既技巧都唔係好掂。
用英文行女人街，亦都感受到做遊客會點被人當水魚。
首先發覺d sales 好多都有大陸口音，無o左d 歸屬感，有少少深圳feel，不過呢d 都唔緊要，真係估唔到佢o地連推銷手法都一樣，真係忍唔住講一句:「今時今日咁o既服務態度係唔得ga la!」
事源係咁o既:
我o地食完麵之後就由家樂商場o個邊行女人街，我個friend Michelle 同佢mammy 對o個d 閃石髮夾好有興趣，所以我o地就入o左去。恐怖o既經歷就開始，首先佢o地好似好好客咁攞d 髮夾同佢o地兩個試，至於我只係旁觀同俾意見，因為我係一定唔會買，完全唔係我o既style，太娘la，所以呢次都係我第一次入呢d 舖頭，好la，試試o下無la la又o黎煩到我，我已經講o左十次我唔想試，頂，佢竟然問都唔問就除o左我個hairband，what the hell? What the fuxk you think you're doing? 不過我無講出口，因為佢兩個仲未揀完，我忍! 佢o係我個頭度搞完一輪之後，就問我鍾唔鍾意，阿姑，仲洗問，緊係唔鍾意la! 跟住我就好快咁除o左個髮夾，絷返d 頭髮; 呢位阿姑仲仍然未心死，仲想攞d 娘爆髮夾o黎，我亦一口拒絕，最憎d 咁煩o既人! 好彩佢o地終於都揀完，咁就問o個兩位阿姑幾錢 ── 4 個髮夾要成 $306，唔好去搶! 我o地聽到就走人，因為 Michelle 話佢唔想要，跟住佢o地就緊係o係度死拉住我o地，之後減到$200，不過都係穩你要la。兩個阿姑開始發難，話佢o地無生意，我心諗你自己攞o黎o既，開天殺價，鬼買你d o野，跟住佢又話佢o個d 係韓國入口 (咁又點? 韓國o野就係貴o野ga la? 你唔好話係南非o黎!) ，我o地都無理佢o地，佢o地竟然離譜到拉實 Michelle，唔俾佢走，搞到佢叫晒"help"，咁我同佢媽咪即刻返返轉頭救佢 (o個一刻我有少少被人打緊刧o既feel)。佢媽咪最後怕o左佢o地諗住$125 同佢o地買，正當佢o係銀包攞o左張$100 紙，當時我同Michelle 都不停話唔要 & 快d 走，個阿姑就一手搶o左張 $100 紙，真係火都o黎埋，佢宜家分明係搶，跟住又用佢d 唔鹹唔淡o既廣東話講o左一大堆o野，不過我就好大聲咁話:「喂! 你攞返d 錢o黎先!」佢縮一縮隻手張$100 紙就唔見o左，佢一定係賊!!! 「你再唔攞返d 錢o黎我就報警!」最後anutie 話多一事不如少一事，就咁用o左 $100 買o左。
Michelle 之後同我講she's scared，呢間簡直係黑店，影衰晒我o地d 香港人 (但我諗呢兩個阿姑並唔係香港人)，搞到佢o地行完間o野之後都怕怕。
不擲手段都唔係咁ga!? I'm not scared but I feel ashamed. 我仲聽到一個sell 完一個金髮女郎，但佢就一d o野都唔買就走o左，o個位又係一個操唔鹹唔淡o既廣東話o既一位阿姑就講:「死鬼婆!」我聽完都有d 側目。消費者係有權利選擇買o同唔買，唔洗咁係ma?
好彩呢d 害群之馬只係一少部分，有好多都好好客，為我o地爭回不少分數。仲記得有個伯伯話如果我o地覺得tired，就去附近o既茶餐廳。呢d 先至係香港人o既好客之道ga ma!
我唔鍾意去深圳買o野都係咁o既原因，個氣氛一d 都唔relaxing，好似成日都有人arguing 緊，好唔舒服。
文章定位：
