活下去的反思＠~~~彩虹寶園~~~｜PChome Online 個人新聞台

2003-08-08 17:28:46| 人氣56| 回應0 | 下一篇

活下去的反思

推薦 0 收藏 0 轉貼0 訂閱站台

無何有之鄉,廣漠之野都唔係我0既地方，我境界太低，唔懂無為呀，呢幾日病，一做少ｄ野就覺得自己好無用，世界唔需要我，倒不如拎去堆填咁；所以就讓我營營役役，為理想勞碌，為人民服務罷啦~

呢排成日撻占卜，有時又撻莊務，又撻少少補習咁啦；其實好唔鍾意自己咁，好似咩都做唔成，終有一日因養唔活自己而死，哈哈。你話我無咩建樹咩，我又做過一ｄ有意義0既好野，寫過一ｄ滿意0既文；但係我0既人生又好似好失敗咁0架喎，書又好似讀唔好，我稔我所有老闆都怕左我，邊有ｄ咁撻0既人0架，成日都好似唔志在份工咁唔返工。

好似又再聽到一把熟悉0既聲音氣急敗壞咁話我：「你以為自己唔係0就100咁好形咩？你咁點做得人成……」一把好為我設想，但係好唔０岩聽０既聲音，哈哈！

我始終會堅持係我名義之下唔可以有唔好0既product，所以我應該全力向自己喜歡0既方向進發，咁我就可以做得好，發揮到自己，最緊要係可以入世生活嘛。我稔搞教育、做研究寫文、整０野食就最０岩我０架喇，即係教書或者搞café囉。

我稔我要有目標，有時間表去guide住我做野先得，我呢個人實在太懶又唔識discipline自己……其實或者我更需要一個我喜歡0既人guide我，其實我好鍾意聽人話0既感覺，又鍾意唔需要為自己打算 0既感覺……哈哈，無０架喇，都係叫老豆鑿闊ｄ條灶罅罷啦~

我要檢舉

台長：普普Iris

人氣(56) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)