9/29
Lunch。我、咬佛、InK同滴勤飲茶farewell,打後滴勤或者會餐餐瑞士雞翼。哈
總之好好體驗異地生活。。。
o向拉靶喵書釘。loading:40%,progress:10%。星期六再見。
接到康記既被炳電話。有點down。佢過左o黎Poly demo。又笑料百出。兩人變左大頭怪嬰,真係頭都大埋,等你話要腦震蕩加大碼,哈。多謝乘搭情緒過山車。
見到珍花。個心頓覺好暖好安穩。如珍花願去到沙灘。珍花、卡文、文琪、CindyLING、我一行五人去左食披薩,位於赤柱正灘既鬼佬小廚(Beach Club),不過唔係鬼佬做廚,哈哈,但廚師好nice,加碼沙律。16呎pizza,不過只係珍花塊面面積,哈哈,冇令老闆娘失望,KO掉。值得推介再去。情調環境浪漫,但同妳們就….er……一個字….crazy!!!露台情侶都要移玉步去沙灘。
先蓮戰績:::交通工具史:啟德時期要撩人睇船,赤蠟角時期要人o向赤柱睇飛機。
Miss深既紅樓夢=發夢。榮升CindyLING。中學時代一切總是美好的。。。
之後,我地依o的converse人「被迫」落沙灘睇踢拖、大肚婆裝束既珍花嬉水,場面好搞笑,但我o念起「此時此刻」吳爾芙慢慢步向海那一幕,心底那一點灰好似感冒未清o甘,好想打俾Ra,我知佢會鬧我然後心痛,最尾都冇打出那電話。
知妳們過得安好,自己會不自覺輕快起來。。。
17歲到18歲既感覺不及19到20強烈,踏入二字頭。是否遲熟既表現?
回家途中,一個電話,我終於缺堤,都好,不用失眠。。。爬左兩篇格仔稿,終於可以瞓,入眠只需兩秒,但見珍花享受開心,好值得!
《好天氣》給摘星Rachel,不能在妳身邊,妳要撐住呀!!!
30/9
踩兩場後,終於可以見Bee,幸好狀態還好。好喜歡那鐵皮旋轉木馬,更喜歡妳既上心。如常地談Mr.們。其實有點擔心妳。莫非真係克苦耐勞,忍耐力特強。有時會問「何必?」。不贊成但尊重支持妳。其實從另一角度睇,未嘗唔係一件好事。放心,我和笑聲會陪住妳。
買了布拉格自由人手冊、潘国靈、陳慧、林語堂、大泥畫集、林奕華。非常非常滿足。被奶佬話我係雜食性動物,冇計,要多些input,怕個仔有殘缺。
文章定位：
