~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

6/20 又去左食 stonegrill, 今次食 citibank 個 lunch 套餐,
有人覺得抵食, 不過我就覺得麻麻地抵喇..
之後上左人地屋企... 人地就打牌呀打牌...
我地幾個人就玩大富翁.. 好耐冇玩過喇.. 哈哈... 好好玩呀! ^_^
之後出左廟街既舊飯店食海鮮, 食到好飽呀!

6/27 成班人六個人好特別咁去左機場睇4D變形金剛..
因為係 4D 戲院~ 有水飛出黎, 又會有煙噴出黎架... 好低B架... ^_^
一早上網訂左飛, 機場睇 4D 都只係 $55, 都幾抵睇.. (不過呢套都冇立體3D, 所以可能平D~)
不過~車費就貴囉....
我地仲o係機場度玩左一陣,
o個度有好似筋肉擂台咁既機鋪, 好搞笑架!! ^_^
睇完戲之後出就番尖沙咀..
六個人好似十年冇唱過卡拉OK咁,
由夜晚九點一路唱到第二朝六點..
又唱又叫又跳.... 顛左....好多年冇試過咁顛喇...
最終我成身痛左兩日... 支力到飛起...

7/1 雖然係假期, 不過係十級勞氣地渡過了! 因為好幾日上唔到網..
等左幾個鐘頭和記o個個維修人都未上黎屋企... 勞氣到爆!
打去爆鬧十次.... 到而家和記o個個人都未傾賠償問題....

7/5 入左屯門剪頭髮, 因為同我地剪開頭髮o個個師傅未開到新鋪,
所以我地唯有搵其他師傅剪,
剪到我d頭髮好短.... 好耐冇試過短頭髮喇~
熱天短頭髮又真係好爽喎~
短頭髮個樣即刻細個左好多... ^_^